Знайсці
04.04.2020 / 10:122РусŁacБел

У Гомелі затрымалі мужчын, якія абрабавалі кватэру, прадставіўшыся спецназаўцамі

Раскрыты разбойны напад на кватэру ў Мазыры. У студзені двое мужчын у масках прыйшлі дадому да жанчыны, звязалі яе і мужа, выкралі грошы і збеглі.

Падазраваных знайшлі і затрымалі днямі аператыўнікі крымінальнага вышуку Гомельшчыны.

Адзін з затрыманых — 46-гадовы мужчына, які быў раней судзімы за незаконны абарот наркатычных сродкаў і кіраванне аўтамабілем у стане алкагольнага ап'янення. Другі — 28-гадовы хлопец, таксама судзімы за замах на забойства. Абодва яны жыхары Гомеля.

Да злачынства ў Мазыры яны рыхтаваліся старанна. Абмеркавалі маршрут руху, транспарт, дзе і на чым будуць дабірацца. Абгаварылі ролю кожнага ўжо на месцы, шляхі адыходу і план дзеянняў на выпадак, калі нешта пойдзе не так.

Пры ператрусе кватэры аднаго з затрыманых былі выяўленыя бронекамізэлька, макет ручной гранаты, электрашокер, радыёстанцыі, кайданкі, касцюмы армейскага ўзору, нож у чахле.

Завялі крымінальную справу.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера