Даслаць навіну
Знайсці
04.04.2020 / 10:37 78

«Мы сапраўдная апазіцыя, а Пазняк і Лукашэнка кажуць адно і тое ж»: купка сталіністаў правяла пікет за аб’яднанне з Расіяй

У так званы «Дзень яднання народаў Беларусі і Расіі» 2 красавіка ў скверы ля кінатэатра «Кіеў» зусім незаўважна прайшоў пікет прыхільнікаў інтэграцыі. На яго сабраўся дзясятак чалавек.

Павялічыць

Пікет у Кіеўскім скверы. Фота Рэгнум.

У руках пікетоўцы трымалі наступныя плакаты «Саюз Расіі і Беларусіі вечны і несакрушальны», «Братэрскія народы! Далучайцеся да саюзнай дзяржавы», «Мы супраць зацягвання аб’яднання валют Беларусіі і Расіі», «Аб’яднайце ўзброеныя сілы Беларусіі і Расіі ў адну вайсковую арганізацыю», «Мы за адзіную саюзную дзяржаву з адзіным кіраўніцтвам».

Арганізатарамі выступілі людзі з каардынацыйнай рады «Айчына», а менавіта Валерый Драко і Васіль Зелікаў. Гэтыя людзі прытрымліваюцца камуністычных поглядаў, прычым у сталінскай інтэрпрэтацыі камунізму. Таму іх не падтрымліваюць ні праўладная КПБ, ні калякінскі «Справядлівы свет».

Абсалютная большасць удзельнікаў пікета былі пенсіянеры. Валерый Драко, які некалі быў дэпутатам Палаты прадстаўнікоў, расказаў «НН», што колькасць удзельнікаў абумоўленая грашыма, якія трэба было заплаціць за арганізацыю масавай акцыі.

«За ўдзел дзесяці чалавек мы заплацілі 81 рубель, а каб нас было ўжо 11, то заплацілі б ужо 700. Адкуль такія расцэнкі! —

абураецца Драко. — Тым больш свята дзяржаўнае, таму мы прасілі ў гарадскіх уладаў, каб нам скасавалі аплату, але нам не пайшлі насустрач. Гэта першая наша акцыі, дзе мы былі вымушаныя заплаціць грошы. Так, міліцыя сапраўды была, яна нас «ахоўвала», але вось ні медыкаў, ні камунальнікаў побач не было».

Валерый Драко расказвае, што гарадскія ўлады вызначылі адной з умоваў правядзення, каб удзельнікі былі ў масках, і гэта было выканана.

На пікеце былі прынятыя два звароты да ўлады. У першым Драко, Зелікаў і кампанія патрабавалі хутчэйшага будаўніцтва саюзнай дзяржавы Беларусі і Расіі, а другі называецца «Не — буржуазнай дэмакратыі ў інтарэсах багатых». У другім якраз і заклікаюць адмяніць грашовыя паборы для арганізатараў масавых акцый.

Заяўнікі адразу прасілі для правядзення гэтую пляцоўку. «Кіеўскі сквер з усіх магчымых варыянтаў — гэта найбліжэйшы да цэнтру, але пляцоўка абсалютна бесталковая. Нават тыя рэдкія людзі, што праходзілі міма, не разумелі, што мы там рабілі», — прызнае Валерый Драко. Камуністы звярнуліся да ўладаў, каб для пікетаў давалі і пляцоўкі ў цэнтры горада.

Валерый Драко адзначае, што ўлада падштурхоўвае іх да таго, каб яны станавіліся апазіцыяй. «Апазіцыя ўжо перайшла на бок прэзідэнта. Помніце, Пазняк казаў пра Балта-Чарнаморскі саюз, а цяпер прэзідэнт яго ўжо малюе. Можна віншаваць БНФ і іншыя арганізацыі, цяпер гэта ваш прэзідэнт, які выконвае вашу праграму. А нас з канструктыўнай апазіцыі выштурхоўваюць у самую сапраўдную апазіцыю».

Таксама Валерый Драко паведаміў, што за пікетам пільна сачыў супрацоўнікі КДБ, які ўсё здымаў на камеру. «З міліцыяй мы хоць знаёмыя, падпісвалі дакументы, а хто гэты чалавек — не ўяўляем».

У цэлым жа арганізатар абураны тым, што ўлады ніякім чынам не адзначалі 2 красавіка. «Раней нейкія канцэрты былі ў філармоніі, а цяпер няма нічога, мы адзіныя, хто адзначыў гэтую дату ў Мінску».

Зміцер Панкавец

Хочаш падзяліцца важнай інфармацыяй
ананімна і канфідэнцыйна?

5
Ladzimir / адказаць
06.04.2020 / 17:12
Алексей минский, а ты і не заўвыжыў што і Расіі ўжо амаль няма!
Гэта фейкавая "імперыя"   вось-вось разваліца на маленькія кавалачкі. Пачакай яшчэ пару годзікаў і ты ўсе сам пабачыш!  
3
Алексей минский / адказаць
07.04.2020 / 00:27
Ladzimir, вы выдаёте желаемое за действительное, но это всего лишь ваши бурные фантазии. Россия была, есть и будет!!! Более того будет прирастать не только экономически, но и территориально!!!
0
litwin / адказаць
14.04.2020 / 11:07
1) апазіцыя тыя хто супраць Урадавай большасці. сапраўдныя камуністы супраць парламенцкай дэмакратыі іншымі словамі камуністы апазіцыя гэта ..... азіі. 2) вы не камуністы а расійская 5 калёна , сталінскі нацыяналістычная дзе нацыяналізм безумоўна маскавіцкі з Івашкай жахлівым , Кобай, Пушкіным, Мураўёвым і тд. карацей , ....................................
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30