Даслаць навіну
Знайсці
03.04.2020 / 11:28 8

Прадаўцы мінскіх кватэр сталі масава скідаць цэны 

На мінулым тыдні адбылася знакавая падзея для рынку жылой нерухомасці — рэзкі разварот у дынаміцы коштаў на кватэры. Курсавыя ваганні і навіны пра каранавірус прымусілі многіх прадаўцоў кватэр перагледзець кошты ў сваіх аб'явах, паведамляе realt.by.

Павялічыць

фота Надзеі Бужан

Кожны тыдзень вырастае колькасць ахвотных прадаць кватэру ў Мінску. З пачатку сакавіка агульная прапанова на другасным рынку павялічылася амаль на 1,5 тысячы кватэр. І гэта сапраўды шмат — у сярэднім за месяц набываюць менш.

Аж да апошніх тыдняў новаспечаныя прадаўцы выстаўлялі цану ў аб'явах з аглядкай на ўжо размешчаныя ў продажы кватэры-аналагі, не спрабуючы прапанаваць менш. Але да канца месяца стала відавочна, што з такім падыходам наўрад ці ўдасца прыцягнуць увагу пакупнікоў. У выніку сярэдні ўзровень коштаў у аб'явах, якія размясцілі пасля 23 сакавіка, ужо быў на $50 за квадратны метр ніжэйшы.

Павялічыць

Не дрэмлюць і тыя, хто прадае кватэру даўно. Трэба разумець, што цэны карэктуюць заўсёды — і на стабільным, і на ўзрастаючым рынку. Распаўсюджаная сярод прадаўцоў тактыка — размясціць аб'яву з завышанай цаной і паступова зніжаць яе да таго часу, пакуль не атрымаецца намацаць попыт.

Так было і сёлета: у студзені і лютым штотыдзень у трох сотняў аб'яў карэктавалі цану ў бок зніжэння. У першай палове сакавіка гэты паказчык вырас да 400 аб'яваў, а ў другой палове месяца адбыўся сапраўдны ўсплёск. Кошты ў 900 аб'явавах падвергліся рэдакцыі на мінулым тыдні — гэта прыкладна 11,5% ад іх агульнай колькасці.

Хто зніжае ў першую чаргу? Сталічныя прадаўцы, як правіла, раней за сваіх «калегаў» з рэгіёнаў пачынаюць карэктаваць кошты, а таксама робяць больш істотныя зніжкі на пачатку крызісу. Зрэшты, нават іх на мінулым тыдні абышлі прадаўцы кватэр у прыгарадзе Мінска.

У Заслаўі, Копішчы, Дзяржынску і Калодзішчах цана была зніжана ў 12-15% аб'яваў. У Мачулішчах гэты паказчык дасягаў 16%. Абсалютным лідарам па дадзеным паказчыку з'яўляецца Фаніпаль, дзе цану адкарэктавалі ў меншы бок у кожнай чацвёртай аб'яве.

Можа здацца, што ў першую чаргу цану зніжаюць на менш ліквідныя кватэры з вялікай колькасцю пакояў, але гэта не так. Самы высокі працэнт зніжак назіраецца цяпер у сегменце 1-пакаёвых кватэр.

Таксама на агульным фоне вылучаюцца кватэры, пабудаваныя ў 2019 годзе. Многія з іх набываліся яшчэ на стадыі будаўніцтва з мэтай далейшага перапродажу, і цяперашнія іх уладальнікі імкнуцца хутчэй зафіксаваць прыбытак.

Цікавы факт: уласнікі, якія прадаюць кватэру самастойна, у сярэднім адважыліся на зніжку ў два разы часцей, чым агенцтва нерухомасці.

Зніжаюць на колькі? $2000 — гэта стандартны «крок» пры зніжэнні цаны ў аб'явах у студзені і лютым. З 17 па 23 сакавіка сярэдняя зніжка вырасла да $2500, з 23 па 30 сакавіка — да $3000. У працэнтных выражэнні сярэдняя велічыня зніжкі павялічылася за апошні час з 2,7% да 3,7%, пры гэтым максімальны дысконт па некаторых аб'ектах мог даходзіць да 13-15%.

У абсалютным выражэнні самая значная зніжка адзначана ў кватэры на праспекце Незалежнасці — цану знізілі на $91 000, праўда, яна ўсё роўна каштуе каля паўмільёна даляраў.

Пасля працяглага перыяду росту коштаў сталічны рынак жылля становіцца «мядзведжым». Мінулы тыдзень паказаў рашучасць часткі прадаўцоў, якія спяшаюцца максімальна хутка прадаць сваю нерухомасць. Большасць пакуль займае пазіцыю чакання, але па досведзе мінулых крызісаў можна сказаць, што асноўная хваля цэнавай карэкцыі яшчэ наперадзе.

realt.by

Хочаш падзяліцца важнай інфармацыяй
ананімна і канфідэнцыйна?

5
Андрюха Горец (Беларусь Витебск ) / адказаць
03.04.2020 / 18:19
Обменяю свой старенький ржавый Газовый мопед *Рига-11 * (1974 года выпуска ) - на четырёхкомнатную квартиру в Минске ! 
3
Алёша / адказаць
04.04.2020 / 09:49
На вторичном рынке в Дрездене мебелированная квартира стоит в два раза дешевле аналогичного по метражу сарая-хрущебы в Минске. В два раза (!) Средний уровень доходов в Германии четыре-пять раз выше, чем в РБ.
1
Андрюха Горец (Беларусь Витебск ) / адказаць
05.04.2020 / 16:54
 Я всё понимаю и полностью  учитываю ситуацию - но  Своих Условий не меняю !    Меня свой старенький Газовый мопед *Рига -11 * на Четырёхкомнатную квартиру в Минске !. (Тракторный Завод и *Дрозды * - прошу  не предлагать и вообще не беспокоить  )
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30