Даслаць навіну
Знайсці
02.04.2020 / 15:44 14

Лукашэнка: У нас 11 чалавек, падключаных да апаратаў ШВЛ. Цяжкіх няма

Пра гэта Аляксандр Лукашэнка заявіў у інтэрв'ю тэлекампаніі «Мір», паведамляе Звязда.

Ён расказаў пра стан усіх людзей, якія падключаны да апаратаў штучнай вентыляцыі лёгкіх, такіх на раніцу чацвярга было 11 чалавек. 

«У нас каля трох тысяч апаратаў ШВЛ, плюс наркозна-дыхальныя можна выкарыстоўваць у крайнім выпадку», — адзначыў Лукашэнка. Паводле яго слоў, на сённяшні момант «цяжкіх няма». 

Сістэма аховы здароўя, падкрэсліў Аляксандр Лукашэнка, абавязана зберагчы людзей ад небяспекі.

«Дактары павінны лячыць людзей — гэта маё жорсткае патрабаванне. Не хадзіць і закрываць там установы, нешта адмяняць — гэта справа ўлады. Ты прыйдзі, дакажы, што гэта трэба, а ўлада прыме рашэнне. А ты не адхіляйся, давай, лячы!» — паўтарыў сваю ўстаноўку Лукашэнка.

Беларускі лідар зноў успомніў сумны выпадак у Віцебску, калі на каранавірус заразіліся больш за 10 дактароў.

«Як груба кажу, «у піжамах» бралі гэтыя тэсты. Кажуць: каранавірус. Не важна, што. Ты ж доктар, хаця б маску надзень ў такі момант, ну рэспіратар надзень. Ёсць жа гэтыя касцюмы, бахілы, пальчаткі, акуляры — надзень гэта», — апісаў прычыны заражэння віцебскіх урачоў Лукашэнка. 

Пры гэтым ён падзякаваў медыкам за іх працу і праінфармаваў, што іх жыцці і здароўе ў бяспецы. 

«Зусім ніякай насцярогі ў гэтых адносінах. Гэтыя ўсе дактары сто працэнтаў будуць здаровыя, але з іншага боку, добра, што яны ўжо без масак змогуць працаваць. У іх імунітэт выпрацаваўся. Вядома, яны будуць працаваць ужо як вопытныя людзі, з усімі мерамі перасцярогі, але вось такія выпадкі былі», — не хавае Аляксандр Лукашэнка.

Менавіта таму туды быў накіраваны міністр аховы здароўя са спецыялістамі, а старшыні аблвыканкама загадана дапамагаць ім. Гэта дазволіла цягам трох дзён узяць сітуацыю пад кантроль, кажа Лукашэнка. 

«Ужо сёння на 100 чалавек колькасць агульных захворванняў у Віцебскай вобласці знізілася, — аргументаваў Аляксандр Лукашэнка. — Я кажу, што малю Бога, каб мы як зараз (у такім жа стане) прайшлі да Вялікадня хаця б, гэтае плато, як дактары кажуць, пік гэты, і дай Бог, каб удалося знізіць».

Хочаш падзяліцца важнай інфармацыяй
ананімна і канфідэнцыйна?

1
Грамазека / адказаць
02.04.2020 / 22:30
Адчувае Рыгорка што конец яму надыходзиць, ен павинен калисци быу прыйсци, як бы каму не хацелася, усе аднойчы канчаецца. Эх, не было каму сказаць, не раби так, перасаджау усих, ци на той сьвет адправиу, адны падпевалы засталися, што у рот глядзяць, гэта канец, цяпер трэба думаць як сыйсци болш-меньш па-чалавечы, ци чакаць кали палками пагоняць.
0
партисаниваноф / адказаць
02.04.2020 / 22:48
Хацелася б паглядзець на спецыяльнасць тых дактароу што заразилися. Нешта мне падказвае што больш за палову з их будуць анастазиолаги и рэаниматолаги. Там усе проста - кали чалавек пачынае раптам задыхацца часта бывае не да масак з пальчатками- трэба працаваць- падумаешь кашляне разок на цябе. Идзи - сам паспрабуй спадар прэзидэнт. Не саромейся ты ж за апошни час паказау сябе як светач медыцыны. Што сядзишь? Зараз кожная пара рук будзе на вес золата. Тым больш тое што дактары вымушаны были працаваць у таких умовах гэта найперш твая вина! Самае дрэннае- што у многих бацьки дагэтуль смотраць тэлявизар. И пасля таких вось опусау пераканаць их выконваць элементарныя правилы бяспеки бывае вельми цяжка: "прэзидэнт жа ж сказау! А у тваим интарнеце усе брахня!" Як сказау адзин мой сябр - не дай божа, што з ими здарыцца - я некаторым людзям собственнаручна тады зраблю "интубацыю"- без наркозу и з иншага боку!
0
Common Sense / адказаць
03.04.2020 / 05:23
[Рэд. - паглядзіце ў слоўніку]
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31