Даслаць навіну
Знайсці
03.04.2020 / 09:46 5

Байкот фанатаў і сенсацыйныя аўтсайдары. Што будзе ў трэцім туры чэмпіянату Беларусі па футболе 

Пакуль Федэрацыя футбола не бачыць падстаў для спынення чэмпіянату, фанаты амаль усіх клубаў вышэйшай лігі адмаўляюцца ад актыўнай падтрымкі на стадыёнах. Іх меркаванне падтрымліваюць некаторыя футбалісты і нават трэнер «Нёмана» Ігар Кавалевіч. Але як мінімум матчы трэцяга тура адбудуцца, далей АБФФ будзе дзейнічаць у залежнасці ад сітуацыі. 

Разам з Букмекерскай канторай Леон мы раскажам вам пра ўсе цікавосткі найлепшага на сёння футбольнага першынства ў Еўропе.

Павялічыць

Другі тур даў нам больш прадказальных выпадкаў, чым стартавы, але і тут не абышлося без сенсацый. Калі зазірнуць у прамежкавую табліцу, то на самым яе дне вы знойдзеце ў кампаніі «Белшыны» і «Гарадзеі» БАТЭ і мінскае «Дынама». Топы беларускага футбола пачалі турнір з дзвюх параз, а мінчукі, з улікам кубкавых, наогул прайгралі усе чатыры афіцыйныя гульні ў сезоне.

Павялічыць

У заўзятараў «Дынама» вельмі няпросты час. Фота: ФК «Дынама-Мінск».

Першы радок дзеляць дзёрзкія андэрдогі з «Мінска» і «Энергетыка-БДУ». А таксама «Тарпеда-БелАЗ» з «Іслаччу», якія здабылі па дзве мінімальныя перамогі. 

Вось як скончыліся матчы другога тура:

  • «Тарпеда-БелАЗ» — «Белшына» 1:0 (50, Гарбачык)
  • «Рух» — «Энергетык-БДУ» 0:1 (43, Мірошнікаў)
  • «Слуцк» — «Дынама-Брэст» 0:1 (18, Мілеўскі)
  • «Славія» — БАТЭ 2:1 (32, 38, Мельнікаў — 10, Вілюмсан)
  • «Мінск» — «Дынама-Мінск» 3:2 (1, Хвашчынскі; 41, Чагавец; 45, Грыбоўскі — 77, Шыкаўка (п); 80, Бахар)
  • «Гарадзея» — «Шахцёр» 0:2 (56, Дыясамідзэ; 89, Падстрэлаў)
  • «Іслач» — «Смалявічы» 1:0 (9, Янсанэ)
  • «Нёман» — «Віцебск» 2:0 (51, Кадымян; 58, Кантарыя (п))

Цяпер пераходзім да анонсу матчаў трэцяга тура.

«Белшына» — «Гарадзея»

Абедзве каманды прадказальна няўдала пачалі сезон. Для «Гарадзеі» марудзіць на старце — справа звыклая, а бабруйчане проста пацвердзілі свой статус аўтсайдараў.

Цяпер ёсць шанец набраць першыя турнірныя балы. Але гарачай гульні чакаць не варта: на дваіх у каманд усяго адзін забіты мяч.

Прагноз «НН»: «Гарадзея» не прайграе. Тотал, меншы за 2.5.

«Дынама-Мінск» — «Тарпеда-БелАЗ»

Нягледзячы на тое, што каманды знаходзяцца на розных полюсах табліцы, «дынамаўцы» застаюцца фаварытамі гульні. Але варта нагадаць, што мінчукі вось ужо два гады не толькі не могуць выйграць у «Тарпеда», але нават і забіць. 

Павялічыць

Фота: ФК «Тарпеда-БелАЗ»

Жодзінцы хай і з трэцяй спробы, але ўсё ж змаглі зняць скальп з «Шахцёра». Ці стане «Дынама» яшчэ адной ахвярай канспектаў Юрыя Пунтуса?

Прагноз «НН»: «Тарпеда» не саступіць.

«Шахцёр» — «Нёман»

Пасля крыўдных параз у першым туры салігорцы і гарадзенцы здабылі ўпэўненыя перамогі. Цяпер каманды чакае вочная сустрэча, але без падтрымкі фанатаў, якія пачалі байкот.

«Шахцёр» выглядае відавочным фаварытам гульні як на паперы, так і на раскладках букмекераў. Пакуль мы так і не пабачылі сапраўдную моц каманды Вернідуба. Ці зможа з гэтым нешта зрабіць «Нёман»?

Прагноз «НН»: «Шахцёр» пераможа.

БАТЭ — «Рух»

Мы прадказвалі, што стабільнасць дапаможа БАТЭ роўна прайсці сезон, але атрымалася так, што барысаўцы сталі закладнікамі сваёй аднастайнай гульні. Яшчэ і абарона не цягне — на дадзены момант барысаўцы прапусцілі больш за ўсіх.

Што тычыцца «Руха», то тут якраз складана зрабіць высновы па двух матчах. Берасцейцы выйгралі ў мацнейшага суперніка і прайгралі супастаўнаму па ўзроўні. Чым каманда Сяднёва збіраецца здзіўляць экс-гегемона?

Прагноз «НН»: спрагназуем першую перамогу БАТЭ, але наўрад ці жоўта-сінія заб'юць шмат.

«Дынама-Брэст» — «Славія»

Берасцейцы ў мінулым туры гасцявалі ў Слуцку і змаглі здабыць першую перамогу дзякуючы голу Арцёма Мілеўскага. Але «Дынама» было вельмі няпроста ў змаганні са «Слуцкам»: у другім тайме случчакі мелі шмат магчымасцяў зраўняць лік і нават выйсці наперад, але падвяло майстэрства футбалістаў.

«Славія» пасля перамогі над БАТЭ рыхтуецца да матчу з чэмпіёнам, і відавочна, што берасцейцам будзе няпроста.

Павялічыць

Мікіта Мельнікаў забіў БАТЭ двойчы і быў прызнаны найлепшым гульцом тура. Фота: ФК «Славія».

Прагноз «НН»: «Дынама» пераможа, абедзве каманды заб'юць.

«Энергетык-БДУ» — «Мінск»

Ці мог нехта ўявіць, што матч з вывескай «Энергетык» — «Мінск» калісьці будзе матчам лідараў чэмпіянату? 

Летась абодва дэрбі мінскіх каманд выдаліся вельмі гарачымі: у траўні гульня скончылася з лікам 3:3, а восенню «Энергетык» разграміў «Мінск» з лікам 6:1, а Ілля Шкурын адзначыўся чатырма галамі.

Чакаем такой жа багатай на забітыя мячы гульні і ў нядзелю.

Прагноз «НН»: Тотал, большы за 2.5.

«Віцебск» — «Смалявічы»

Віцебск сёння з'яўляецца другім пасля Мінска гарачым пунктам распаўсюду каранавіруса. Лагічна, што з'явіліся меркаванне пра перанос гульні ў іншы горад. Але матч пройдзе як запланавана.

«Смалявічы» прайгралі «Іслачы» пры вялікай колькасці магчымасцяў. Але сыграў ролю клас каманды, якога не хапае камандзе Бразевіча. Але за «Смалявічамі» цікава будзе паназіраць у далейшым.

Прагноз «НН»: Тотал, большы за 2.5.

«Іслач» — «Слуцк»

І на дэсерт сустрэча дзвюх самых медыйных каманд чэмпіянату. Знакаміты баяніст-заўзятар «ваўкоў» Валерый Калантай запісаў нават кліп-пасланне каранавірусу.

У міжнароднай фан-суполцы «Слуцка» ў Facebook ужо больш за 2500 сяброў. Клуб запусціў збор сродкаў, каб ахвотныя па ўсім свеце маглі дапамагчы клубу ў складанай сітуацыі.

Што тычыцца гульні, то апошнія тры сезоны «Слуцк» выключна перамагае «Іслач» на выездзе. Цікава, ці працягнецца тэндэнцыя?

Прагноз «НН»: Тотал, меншы за 2.5.

У сувязі з распаўсюдам каранавіруса мы не раім вам наведваць людныя мерапрыемствы, у тым ліку футбольныя матчы. Калі ўсё ж вырашыце пайсці на стадыён, прытрымлівайцеся мераў засцярогі.

Дзяліцеся прагнозамі ў каментарах. Калі лічыце сябе экспертам у беларускім футболе, зрабіце стаўку ў Букмекерскай канторы Леон!

Павялічыць

Піліп Каваленка

Хочаш падзяліцца важнай інфармацыяй
ананімна і канфідэнцыйна?

2
Литао / адказаць
03.04.2020 / 12:33
В данный момент это самое адекватное решение.Честно говоря неожидал. Молодцы..
13
Кругом работающие пенсионеры / адказаць
03.04.2020 / 13:31
Безопасность должна быть на первом месте. У нас в принципе, не очень дружный народ. Все хотят ездить по отремонтированным дорогам. Всё было убрано. Работало уличное и прочее освещение. Так почему одни пишут заявки на сайт 115.бел другие нет. Потому что, боимся, стесняемся. Хотим быть хорошими для всех.
2
Аляксандр comrade / адказаць
03.04.2020 / 22:25
А НН чего пишет про футбол, подогревая интерес??? Ходить на футбол сейчас - преступление, но зазывать тоже. А вы этими сенсациями дворового футбола этим и занимаетесь.
Я понимаю, рекламка букмекерской конторы, деньги же. Но надо занять какую-то моральную позицию
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30