Знайсці
02.04.2020 / 13:009РусŁacБел

«Жыватворчы трактар не паможа». Фанаты топавых клубаў заклікалі прыпыніць чэмпіянат па футболе

Заўзятары «Нёмана», «Шахцёра», БАТЭ, «Белшыны», мінскага і брэсцкага «Дынама», «Віцебска», «Тарпеда-БелАЗ» і «Слуцка» не будуць актыўна падтрымліваць свае каманды з-за пандэміі каранавіруса, паведамляе Tribuna.com.

Фанаты падтрымалі акцыю самаізаляцыі.

«Тут не працуе прынцып «За «Тарпеда» нават у пекла!», бо пад удар мы можам паставіць не толькі сваё здароўе і жыццё, але і ў першую чаргу — здароўе і жыцці сваіх блізкіх, калег па працы і паплечнікаў. Хочам заявіць гэтак жа, што ні жыватворчы трактар, ні 100 грамаў гарэлкі не дапамогуць у дадзенай сітуацыі, таму настойліва рэкамендуем устрымацца ад наведвання спартыўна-масавых мерапрыемстваў, піцейных і забаўляльных устаноў, іншых спартыўных і забаўляльных пляцовак (спорт-залаў, дыска-клубаў і да т. п.), а таксама мінімізаваць паходы ў крамы, аптэкі, банкі. Не забываем пра сродкі індывідуальнай абароны. Здароўя вам і вашым родным», — гаворыцца ў паведамленні на старонцы «Тарпеда» Жодзіна.

Беларусь — адзіная краіна ў Еўропе, дзе праводзіцца футбольны чэмпіянат. Гуляюць таксама ў Нікарагуа. 6 красавіка мае распачацца чэмпіянат Швецыі, але папярэдне напісана, што матчы першых тураў перанеслі.

Трэці тур чэмпіянату Беларусі павінен стартаваць у пятніцу.

Кіраўнік федэрацыі футбола Уладзімір Базанаў заявіў, што, калі будзе крытычная сітуацыя з-за каранавіруса, то чэмпіянат паставяць на паўзу.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031