Даслаць навіну
Знайсці
01.04.2020 / 16:23 51

Доктарка з Віцебска б'е трывогу: Медыкі хутка не будуць даваць рады наплыву хворых з пнеўманіямі

Павялічыць

«Я доктарка, працую ў Віцебску ў бальніцы хуткай медыцынскай дапамогі. У нашым горадзе сітуацыя пачала выходзіць з-пад кантролю! Медыкі хутка не будуць даваць рады наплыву хворых. Шмат дактароў знаходзіцца ў бальніцах з запаленнем лёгкіх! Распаўсюдзьце гэтую інфармацыю ў сацыяльных сетках. Лічбы, тыя, што падаюць у СААЗ, абсалютна міфічныя», — напісала 30 сакавіка на сваёй старонцы «УКантакце» Наталля Ларыёнава.

Наталля — доктарка лабараторнай дыягностыкі Віцебскай гарадской клінічнай бальніцы хуткай медыцынскай дапамогі з 25-гадовым стажам. На цяперашнім месцы работы яна працуе ўжо 18 гадоў.

«Народным навінам Віцебска» Наталля Ларыёнава паведаміла, што яе пост выкліканы «страхам за калег і жыхароў нашай краіны»: «апошнім часам сталі выбываць дактары-рэаніматолагі. Па сярэднім медперсанале я не ў курсе, але там, напэўна, усё ідзе яшчэ горш».

«Калі далей так пойдзе, думаю, мы захлынёмся», — мяркуе лекарка.

Сярод заражаных медыкаў у Віцебску ёсць і супрацоўнікі хуткай дапамогі, якія раней працавалі без неабходных сродкаў індывідуальнай абароны.

На думку Наталлі Ларыёнавай, каб узяць сітуацыю з эпідэміяй пад кантроль, улады павінны ўвесці каранцін:

— У Віцебску і Беларусі павінны ўвесці тыя ж меры абмежавання, што цяпер уведзеныя ў Італіі. Толькі такім чынам, па-мойму, мы зможам пазбегнуць той жахлівай карціны, якая цяпер назіраецца ў гэтай краіне.

Пазней на сваёй старонцы ў сацсетцы Наталля Ларыёнава напісала падзяку ўсім, хто яе падтрымлівае: «Добры дзень, мае добрыя людзі! Столькі цяпла і падтрымкі атрымала ад вас, і парадаў, як захаваць сваю бяспеку. Бо я — звычайны чалавек і пару дзён таму нават і не думала, што здольная на гэта. Вельмі ўдзячная бацькам школы, у якой вучыцца мой сын, за падтрымку. Яны і мае сябры-дактары, мой любімы калектыў лабараторыі натхнілі мяне зрабіць пост пра сітуацыю ў краіне».

Намеснік галоўнага доктара Віцебскай БСМП Аляксандр Віннікаў паведаміў TUT.BY, што «пазіцыя Наталлі Ларыёнавай — гэта пазіцыя не калектыву БСМП, не дактароў БСМП, а толькі прыватнае меркаванне гэтай супрацоўніцы. Маё асабістае меркаванне наконт гэтага: не трэба ратаваць свет, цяпер проста кожны доктар павінен выразна спрацаваць на сваім працоўным месцы — і тады ўсім будзе добра».

У той жа час намеснік галоўнага доктара запэўніў, што да Наталлі Ларыёнавай за яе публічную пазіцыю не будзе прынята ніякіх мер. «А за што? Працоўную дысцыпліну спецыяліст не парушае. А тое, што яна выказвае ў інтэрнэце свае эмоцыі, перажыванні — гэта яе права», — сказаў доктар Віннікаў.

31 сакавіка ўлады пацвердзілі смерць заслужанага артыста Беларусі, акцёра віцебскага Тэатра імя Якуба Коласа 75-гадовага Віктара Дашкевіча. У яго быў выяўлены каранавірус. Тэатр спыніў спектаклі. Паводле інфармацыі ўдавы Дашкевіча, па меншай меры, у пяці супрацоўнікаў тэатра запаленне лёгкіх, іх шпіталізавалі.

Акрамя таго, яшчэ дзве сям'і з Віцебска заявілі, што іх родныя — 73-гадовая Аляксандра Чэпік і 58-гадовая Таццяна Хузеева — памерлі, будучы шпіталізаваныя з цяжкімі пнеўманіямі. Абедзве сям'і сцвярджаюць, што ім тэлефанавалі санслужбы і паведамлялі пра станоўчыя пробы на каранавірус. У дачыненні да Хузеевай Міністэрства аховы здароўя пазней абвергла гэтую інфармацыю.

На жаль, афіцыйная інфармацыя пра колькасць пацыентаў з дыягназам «пнеўманія» у Віцебску і вобласці не публікуецца. Прыватным чынам медыкі кажуць пра тое, што пацыентаў з запаленнем лёгкіх у горадзе нашмат больш, чым звычайна ў гэты час года.

Аляксандр Лукашэнка 31 сакавіка на сустрэчы са старшынёй Савета Рэспублікі Наталляй Качанавай прызнаў, што ў Віцебскай вобласці назіраецца ўсплёск захворванняў, але не змяніў свайго стаўлення да пандэміі.

«Вы ў мяне чалавек мужны. Салдат такі, што і ў выхадныя адпрацавалі ў праблемным рэгіёне, роднай сваёй вобласці. Я не кажу, што там катастрофа нейкая, не. Проста Віцебская вобласць у нас заўсёды, і па клімаце іншая, і трохі зрушыўся гэты пік захворвання. Сёння там працуе міністр аховы здароўя, я накіроўваў яго туды і спецыялістаў, каб яны звярнулі ўвагу, прааналізавалі і зрабілі высновы».

У сваю чаргу, Качанава заявіла: «Сітуацыя абсалютна кіраваная. Дактары разумеюць, што трэба рабіць».

Запіс Наталлі Ларыёнавай «УКантакце» сабраў больш за 1700 рэпостаў і тысячы лайкаў. Толькі на старонцы самой доктаркі яго прачытала па меншай меры 137 тысяч карыстальнікаў, не ўлічваючы перадрукаў.

Апытанка

Хочаш падзяліцца важнай інфармацыяй
ананімна і канфідэнцыйна?

СГ

2
Таки вот / адказаць
05.04.2020 / 09:38
Баршчэўскі, вы пішаце тут пад клікухай.  Напішыце сваё прозьвішча, імя, месца працы, ці маеце вы мэдычную адукацыю, колькі ў вас дзяцей, ці ёсьць у вас у сям'і пажылыя людзі https://nn.by/?c=ar&i=249125#startcomments
"Может быть вам еще и ключ дать от квратиры, где деньги лежат?"

А еще педагог! А глупости пишет.:))
0
Баршчэўскі / адказаць
05.04.2020 / 10:37
Генэрал Голад,

Бясспрэчна. Але ўвесь сьвет ня можа хлусіць, калі там дактары й палітыкі кажуць пра тое самае. Чалавек робіцца шчыры, калі адчувае рэальную пагрозу свайму жыцьцю. Гэтак як Кастусь Каліноўскі, пішучы свае "Лісты з-пад шыбеніцы" ня мог ня быць шчырым. У адрозьненьне, скажам, ад гісторыка ва ўладзе Ігара Марзалюка.
0
Алег С. / адказаць
05.04.2020 / 10:38
Таки вот, вы таксама як бы сур'ёзны чалавек, ідэалагічны работнік як-ніяк ))  Але як ляпнеце, асабліва сорамна за наша чынавенства))
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31