Качанава — прадстаўніку СААЗ: Як падкрэслівае Лукашэнка, галоўнае для нас — людзі. Мы нічога не ўтойваем
БелТА
Старшыня Савета Рэспублікі Наталля Качанава па даручэнні Лукашэнкі сёння правяла перамовы з дырэктарам Еўрапейскага рэгіянальнага бюро Сусветнай арганізацыі аховы здароўя Гансам Клюге і пацвердзіла запрашэнне спецыялістам арганізацыі наведаць Беларусь. Пра гэта БЕЛТА паведамілі ў прэс-службе Савета Рэспублікі.
Сустрэча прайшла ў фармаце відэаканферэнцыі.
«Мы бачым сёння мноства розных інфармацыйных выкідаў і фэйкаў у адносінах да тых мерапрыемстваў, якія праводзяцца ў нас у краіне. Аляксандр Рыгоравіч Лукашэнка папрасіў перадаць вам запрашэнне для таго, каб даць рэальную ацэнку той сітуацыі, якая ў нас складваецца, рабоце нашай сістэмы аховы здароўя», — адзначыла Наталля Качанава.
Старшыня Савета Рэспублікі дадала, што Беларусь, безумоўна, робіць усё, каб мінімізаваць наступствы распаўсюджвання віруса. «Як падкрэслівае кіраўнік дзяржавы, галоўнае для нас — гэта людзі. Мы нічога не ўтойваем. Робіцца ўсё, каб страты былі найменшымі для народа і краіны», — сказала яна.
Мінздароўя прызнала другую смерць ад каранавіруса і загадала новы рэбус. Магчыма, у Беларусі 217 выпадкаў
Мінздароўя перастала публікаваць звесткі пра колькасць хворых на каранавірус
Наталля Эйсмант: Мы нічога не хаваем
