Даслаць навіну
Знайсці
01.04.2020 / 07:50 10

Навукоўцы: У Заходняй Еўропе вірус пайшоў на спад, дзякуючы каранціну

Абавязковы каранцін і іншыя абмежавальныя меры, уведзеныя амаль ва ўсіх еўрапейскіх краінах, ужо дапамаглі скараціць патэнцыйную колькасць ахвяр каранавіруса амаль на 60 тыс. чалавек. Магчыма, да канца сакавіка выратаваць удалося нават удвая больш жыццяў, піша bbc.com.

Да такой высновы прыйшла каманда навукоўцаў Імперскага каледжа Лондана ў сваім апошнім даследаванні, апублікаваным у аўторак у часопісе Nature.

Прычым гаворка ідзе толькі пра 11 краін Заходняй Еўропы. У агульнаеўрапейскім і тым больш сусветным маштабе гаворка ідзе пра сотні тысяч людзей, якія маглі б загінуць, калі б не прынятыя меры па стрымліванні пандэміі.

У сваім папярэднім даследаванні ад 26 сакавіка навукоўцы Імперскага каледжа сцвярджалі, што без якіх-небудзь мер стрымлівання пандэмія Covid-19 павінна была дакаціцца практычна да кожнага жыхара планеты і заразіць амаль 7 млрд чалавек.

Колькасць загінулых ад каранавіруса пры такім раскладзе склала б каля 40 млн.

Аднак, вывучыўшы апошнія звесткі аб колькасці хворых і загінулых у 11 краінах Заходняй Еўропы — у тым ліку Італіі, Іспаніі, Францыі і Вялікабрытаніі, — навукоўцы прыйшлі да высновы, што рост эпідэміі запаволіўся амаль на дзве траціны.

Дзе-нідзе ён нават пайшоў на спад, гэта значыць узровень узнаўлення віруса (колькасць здаровых людзей, якіх у сярэднім заражае кожны інфікаваны) упаў ніжэй за 1.

У выніку ў Еўропе ўжо ўдалося выратаваць прыкладна 59 тысяч людзей, якія ў адваротным выпадку загінулі б ад каранавіруса да канца сакавіка. Мінімальная колькасць выратаваных жыццяў ацэньваецца ў 21 тысячу, максімальная — у 120 тысяч.

Аўтары дакладу сцвярджаюць, што гэта стала магчымым за кошт прыняцця строгіх абмежавальных мер: закрыцця школ, забароны масавых сходаў, абмежавання грамадскага транспарту і перасоўвання людзей у цэлым, увядзення абавязковага каранціну і рэжыму самаізаляцыі і г.д.

Асобна падкрэсліваецца, што пакуль немагчыма вызначыць, якія менавіта абмежаванні найбольш паўплывалі на спад эпідэміі. Аднак у сукупнасці прынятыя меры працягваюць даваць відавочны вынік.

Нават у Італіі, дзе колькасць загінуўшых ад Covid-19 ужо набліжаецца да 12 тысяч, без абмежавальных мер ахвяр было б амаль 50 тысяч, сведчаць разлікі.

Зрэшты, адзначаюць аўтары артыкула, з-за доўгага інкубацыйнага перыяду хваробы ў большасці краін эфект ад прынятых абмежавальных мер можна будзе ў поўнай меры ацаніць толькі праз некалькі тыдняў.

Аднак, калі бягучы трэнд захаваецца, у нас ёсць падстава для аптымізму, заключаюць навукоўцы.

Хочаш падзяліцца важнай інфармацыяй
ананімна і канфідэнцыйна?

NN.by

7
шлёма / адказаць
01.04.2020 / 21:05
Лит., шило в мешке не утаишь.
0
меркаванне / адказаць
03.04.2020 / 12:11
Ёпрст, аргумент, рэжым зрабіў выснову і дзейнічае ў сваіх інтарэсах, лічу. 
1
Баршчэўскі / адказаць
03.04.2020 / 12:48
Лукашэнка ўсё адно будзе змушаны зрабіць тое, што раней зрабілі нашы суседзі ("шлёма" і "М.О." зьменяць свае клікухі). Толькі за гэта мы заплацім мы куды большыя кошты. Як гэта было і ёсьць пасьля выбуху Чарнобыля.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31