Віцебскія чыноўнікі: У акцёра Дашкевіча было мноства спадарожных захворванняў
У памерлага ў Віцебску акцёра тэатра было мноства спадарожных захворванняў, паведаміла намесніца начальніка галоўнага ўпраўлення па ахове здароўя Віцебскага аблвыканкама Людміла Кавалёва ў эфіры БТ-1.
Віктар Мікалаевіч Дашкевіч знаходзіўся на стацыянарным лячэнні ў Віцебскім абласным спецыялізаваным цэнтры з 24 сакавіка 2020 года.
«Паступіў ён у нашу лячэбную ўстанову з дыягназам «двухбаковая пнеўманія». Акрамя таго, у яго былі спадарожныя захворванні: хранічная абструктыўная хвароба лёгкіх (цяжкае працяканне), эмфізема, пнеўмасклероз, дыхальная недастатковасць 2-й ступені, хранічнае лёгачнае сэрца, хранічная недастатковасць кровазвароту, што ўскладніла цячэнне асноўнага захворвання, прывяло да дыхальнай недастатковасці», — сказала Людміла Кавалёва.
У працэсе лячэння пры правядзенні абследавання дадаткова ў пацыента быў выяўлены станоўчы вынік на РНК каранавіруса, што ў сваю чаргу таксама ўскладніла цячэнне асноўнага захворвання.
«Інфікаванне адбылося падчас рэпетыцыі», — дадала Людміла Кавалёва.
