Даслаць навіну
Знайсці
31.03.2020 / 22:24 29

Яшчэ адна жанчына з Віцебска сцвярджае, што яе мама памерла ад каранавіруснай пнеўманіі

Павялічыць

Наталля Чэпік каля бальніцы, дзе памерла яе мама.

«У мяне мама памерла тут ад каранавіруса. Учора [30 сакавіка] памерла, а 5-ай гадзіне недзе. Два тыдні яна тут ляжала. Развілася пнеўманія. Яна дыхала першапачаткова, а потым перастала дыхаць. Ёй уключылі гэты апарат штучнага дыхання», — расказала «Белсату» Наталля Чэпік, дачка памерлай Аляксандры Чэпік.

31 сакавіка тамсама, у Чыгуначнай бальніцы, памёр заслужаны артыст Беларусі Віктар Дашкевіч, якога ўлады прызналі адзіным памерлым носьбітам каранавіруснай інфекцыі.

73-гадовая Аляксандра Чэпік была на пенсіі і не пакідала межаў Беларусі.

Першай у сям’і захварэла сама Наталля. Яна кажа, што таксама нікуды з Беларусі не выязджала, аднак захварэла на прастуду і 5 сутак адляжала з тэмпературай, пасля чаго яе паклалі ў Тубдыспансэр на 10 дзён.

«Яны [медыкі] сказалі: вірус. У Мінск адпраўлялі мазкі і не пацвердзілі [COVID-19]. Як прастуда. У мяне потым кашаль пачаўся непрыемны. Вельмі моцны. Сухі. Ты кашляеш, і ўсё цела скача і скача ад таго, што раздражняе так. Настолькі непрыемна», — апісвае сімптомы сваёй хваробы Наталля Чэпік.

У гэты ж час адчула сябе хворай і маці Наталлі, аднак у бальніцу, паводле дачкі, яна лягла не адразу: «Яна адразу была ўдома, але, калі мяне забіралі, у яе ўжо тэмпература была. Я думаю, чаму яна не паехала? Я ёй казала: давай паедзем… Ведаеце, нашы людзі ўсё на пазітыве — нас гэта не датычыць. А потым аказваецца…»

У выніку ў жанчыны развілася пнеўманія, праз якую яе і паклалі ў Чыгуначную бальніцу Віцебску. 30 сакавіка Аляксандры Чэпік не стала.

«Казалі, што гэта каранавірус. Адразу сказалі: фрагмент. Я не ведаю, чаму эпідэміёлаг сказаў «фрагмент», як гэта разумець, — расказвае Наталля Чэпік. — Але потым я пазваніла сюды ў бальніцу, яны сказалі: Які фрагмент? Каранавірус!» — сцвярджае Наталля Чэпік.

Наталля Чэпік гаворыць, што сёння памерлую завезлі ў абласны морг, дзе будуць ускрываць і пісаць заключэнне.

Павялічыць

Наталлі Чэпік выдаюць рэчы памерлай мамы.

Жанчына баіцца, што ў заключэнні могуць схаваць факт каранавіруса і таму хоча, каб пра гэты выпадак даведаліся людзі.

Раней сваякі іншай жыхаркі Віцебска, 58-гадовай Таццяны Хузеевай, расказалі «Нашай Ніве», што памерлая была шпіталізаваная з пнеўманіяй і што сваякам пазванілі і папрасілі самаізалявацца, сказалі, што быў пацверджаны каранавірус. Пасля Мінздароўя абверг гэтую інфармацыю і запэўніў, што Covid-19 у выпадку Хузеевай нібыта не меў месца.

На жаль, афіцыйная інфармацыя пра колькасць пацыентаў з дыягназам «пнеўманія» ў Віцебску і вобласці не публікуецца.

Гэтая абстаноўка сакрэтнасці адрознівае Беларусь ад іншых краін, якія сутыкнуліся з пандэміяй. У адрозненне ад Расіі, Казахстана, Польшчы, Літвы ды іншых краін, інфармацыя пра колькасць хворых абвяшчаецца нерэгулярна, абрывачна, часам нават у загадкавай, рэбуснай форме. У адрозненне ад іншых краін, у Беларусі не публікуецца афіцыйнай інфармацыі пра геаграфічную лакалізацыю выяўленых выпадкаў Covid-19, што дае падставу для розных чутак. Мінздароўя тлумачыць такі падыход нежаданнем правакаваць паніку. 

Пахаванне Аляксандры Чэпік мае адбыцца заўтра. Магчыма, заўтра Міністэрства аховы здароўя патлумачыць больш пра яе смерць. Варта адзначыць, што сёння Мінздароўя нават не апублікавала афіцыйную лічбу інфікаваных каранавірусам.

Хочаш падзяліцца важнай інфармацыяй
ананімна і канфідэнцыйна?

NN.by

1
меркаванне / адказаць
01.04.2020 / 13:41
Лісей, а цябе за плахое галасаванне па тваіх каментарах начальства браніт? Ідзі на спутнік ці рэгнум, будзеш там звяздой.
0
циник / адказаць
01.04.2020 / 13:47
M.O.,
вы прикрываетесь независимостью, которая никогда ничего не значила для вашего режимчика, посаженного сюда москвой и прикрываете мозаичные преступные действия, которые ради фальшивого спектакля чтоб удержаться у власти ставят под угрозу жизнь и здоровье 10 миллионов, постоянно врёте, как и брехливый режимчик про карантин со страшилки с арестами откуда-то из казахстана  хотя речь идёт о том, чтобы детей не гнать в школы и на субботники, чем занимается ваша упоротая власть, студентов в вузы, чтобы временно были приостановлены хотя бы массовые мероприятия, но нет, активно проводятся чемпионаты по футболу и прочему с массовым скоплением зрителей, идёт подготовка к демонстрации 9 мая, умышленно не закрыт въезд в страну из стран очагов инфекции. в итоге - началось массовое заражение по всей стране. и всё равно упорото продолжается дальше этот мозаичный спектаклик. ваш спектаклик, а не мой. который если продолжится дальше может привести уже не к карантину, а к остановке предприятий, потому что все будут заражены. 

и не надо теперь врать и пытаться снять ответственность, что оно мол и так было бы "само". не само, а благодаря всему вышеперечисленному. там где принимались меры там удалось сдержать, там где не принимались вышло из под контроля. здесь же умышленно всё делается наоборот чтобы была беда. чернобыля было мало?шкловская чума.
0
циник / адказаць
01.04.2020 / 14:24
M.O., "гибридная атака" и диверсия это теперешние преступные действия власти, которые приведут к непредсказуемым последствиям. шизоидная бравада и шизоидный спектакль дорого могут обойтись.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31