Даслаць навіну
Знайсці
30.03.2020 / 13:47 14

«Прыехаў сын-дальнабойшчык, пасля Валю забралі ў бальніцу». Што адбываецца ў Доктаравічах на Капыльшчыне?

Але ўлады адмаўляюць, што на тэрыторыі Капыльскага раёна зафіксаваныя выпадкі каранавіруса.

Павялічыць

Медыкі працуюць у Вуглах Капыльскага раёна. Фота facebook.com

Карыстальнікі сацыяльных сетак звярнулі ўвагу на навіны з Капыльскага раёна. 29 сакавіка медычныя работнікі ў ахоўным адзенні абыходзілі хаты жыхароў вёсак Доктаравічы, Новыя Доктаравічы і Вуглы. У людзей бралі аналізы, а таксама рабілі тэсты. Вядома, што ў свеце робіцца, — гэта каранавірус.

«Прыйшлі дзесьці а сёмай вечара, да кагосьці і а восьмай прыходзілі. Зрабілі аналізы, сказалі не выходзіць на вуліцы,

— расказвае адна з жыхарак Доктаравічаў. — Школу закрылі, хоць яна і так на канікулах, дзіцячы садок таксама нібыта закрылі. Толькі магазін працуе. Але дзе тут сядзець дома: і па ваду трэба схадзіць, і ў двары папрацаваць. Вірус гэты ж у паветры не лятае?»

Жыхары Доктаравічаў кажуць, што падазрэнне на каранавірус у мясцовай жыхаркі Валянціны Т. «Нібыта сын да яе прыехаў, які дальнабойшчыкам працуе. Потым жанчыну забралі ў бальніцу з пнеўманіяй. Здаецца, яшчэ не выпісалі», — сказала іншая жыхарка вёскі.

«Наша Ніва» дазванілася да сваякоў спадарыні Валянціны, яны рашуча абверглі чуткі пра каранавірус, але пры гэтым адмовіліся пракаментаваць, што ж на самай справе адбылося. «Не-не, усё не так», — пасля гэтага кінулі слухаўку.

Валянціна Т. працуе тэхнічкай у мясцовай школе, таму кантакт з ёй мелі фактычна ўсе настаўнікі Доктарацкай школы. Вяскоўцы расказалі «Нашай Ніве», што ў бальніцы з пнеўманіяй ляжыць настаўніца англійскай мовы Наталля А.

«Яна пенсіянерка, раней жыла ў Мінску, потым пераехала сюды. Кажуць, што ў рэанімацыі, у яе цукар высокі. Гэта сястра Жоры, у яго таксама нібыта пнеўманія», — расказалі ў вёсцы.

Жыхары Доктаравічаў вельмі занепакоеныя нечаканымі візітамі медыкаў. У прыватных размовах яны кажуць, што ў бальніцы ў Капылі і Мінску ўжо забралі больш за дзясятак вяскоўцаў.

Іншыя ўвогуле расказваюць, што ўезд і выезд з Доктаравічаў закрыты, але гэта не адпавядае праўдзе.

Намеснік старшыні Капыльскага райвыканкама па сацыяльных пытаннях Аляксандр Дубіна паведаміў «Нашай Ніве», што на тэрыторыі раёна праводзяцца прафілактычныя працы ў сувязі з сітуацыяй з каранавірусам у іншых краінах. «Ніякага каранціну няма. На тэрыторыі Капыльскага раёна ніводнага выпадку заражэння каранавірусам не зафіксавана», — сказаў Аляксандр Дубіна.

Хочаш падзяліцца важнай інфармацыяй
ананімна і канфідэнцыйна?

Зміцер Панкавец

6
Железный Дровосек / адказаць
30.03.2020 / 19:06
Вот вам настоящая цена власти в Беларуси—до последнего будут все отрицать в этом островке стабильно-дебильности.
5
Вольная Воля / адказаць
31.03.2020 / 00:31
У Капыльскай бальніцы працуе медсястрой у хірургіі наша аднавяскоўца. То яна нават абмовілася пра смерць жанчыны ў бальніцы ад каранавірусу. Некалькі чалавек адвезлі ў Мінск. І бальніцу, паліклініку закрылі на карантын. Калі хочаш трапіць на прыём, едзь у Нясвіж. Толькі калі ўжо будзе дрэнна, прыедзе хуткая з Капыля. А людзі авечкі баяцца сказаць журналістам праўду, толькі калі бяда прыйдзе ў хату, то тады адчуюць кошт хлусні.
4
Кругом работающие пенсионеры / адказаць
31.03.2020 / 17:25
Александрm,если не работающий. То какой смысл общаться?! 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31