Даслаць навіну
Знайсці
30.03.2020 / 12:15 8

У 5-й гімназіі Мінска ў аднаго з супрацоўнікаў — каранавірус. Некаторыя дзеці з бацькамі на самаізаляцыі

У 5-й гімназіі Мінска ў аднаго з супрацоўнікаў выявілі каранавірус. Цяпер некаторыя школьнікі з бацькамі на самаізаляцыі дома, паведамляе Tut.by.

У рэдакцыю TUT.BY прыйшоў ліст ад чытачоў пра тое, што ў 5-й гімназіі Мінска ў аднаго з супрацоўнікаў выявілі каранавірус, у дзяцей, якія з ім кантактавалі, бяруць мазкі. Тых, хто не хоча шпіталізавацца, пакідаюць на самаізаляцыі дома пад наглядам бацькоў.

— Бацькам дзяцей, у якіх выкладаў гэты настаўнік, патэлефанавалі з гімназіі і сказалі, што ўсе павінны сысці на самаізаляцыю. Калі бацькі не гатовыя самаізалявацца разам з дзіцем дома, то школьніка шпіталізуюць на каранцін, — распавялі бацькі вучняў.

Па словах бацькоў, іх дзецям яшчэ на выходных пачалі рабіць мазкі на каранавірус, пры гэтым многія дзеці з настаўнікам апошні час не кантактавалі, бо апошнія адзін-два тыдні не хадзілі ў гімназію.

Бацькі, з якімі кантактаваў TUT.BY, гатовыя сысці на дыстанцыйную працу і адседзець з дзецьмі каранцін дома. З 30 сакавіка па 5 красавіка ў школьнікаў вясновыя канікулы.

Прэс-сакратар Міністэрства аховы здароўя Юлія Барадун пацвердзіла, што ў аднаго з супрацоўнікаў сталічнай 5-й гімназіі тэст на каранавірус аказаўся станоўчым.

— Згодна з загадам Міністэрства аховы здароўя, тыя, хто кантактаваў з хворым на каранавірусную інфекцыю, падлягаюць шпіталізацыі або самаізаляцыі. У сувязі з тым, што дзеці не могуць самаізалявацца самастойна без кантролю з боку дарослых, было прапанавана самаізаляцыю дзяцей праводзіць пад кантролем бацькоў у хатніх умовах, — адзначыла спецыяліст.

Датэлефанавацца ў 5-ю гімназію TUT.BY не ўдалося.

Хочаш падзяліцца важнай інфармацыяй
ананімна і канфідэнцыйна?

Наталля Беніцэвіч, Tut.by

1
Таки вот / адказаць
30.03.2020 / 14:28
Карпенко под суд!
0
вусцішны троль / адказаць
30.03.2020 / 15:20
а міністр-камуніст сядзіць як баязлівец - аніякіх заяў/цыркуляраў, ні папярэдніх мер каб прадухіліць распаўсюджванне, усё чакае загадаў зверху. Як кажуць: які поп - такі і прыход.
0
хамса / адказаць
30.03.2020 / 19:55
сапраўды.. ну вось ужо што-што, а канікулы можна было падоўжыць дзецям.. наш тыдзень ужо сядзіць дома.. а многія з яго аднакласнікаў шчэ больш - больш, відаць, абачлівыя ў іх бацькі
калі мы пісалі заяву, у класе ў яго заставалася 5 чалавек
тут атрымліваецца не толькі сякая-такая мера бяспекі, а шчэ й такі пратэст грамадскасці - калі ўлады пабачаць, што школы апусцелі, няўжо і так не дойдзе нічога да іх?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31