Прэм'ер Расіі заклікаў распаўсюдзіць на ўсе рэгіёны прынятыя ў Маскве абмежаванні
Дзмітрый Астахаў, Pool/ТАСС
Неабходна распаўсюдзіць на ўсе рэгіёны Расіі абмежавальныя меры, прынятыя ў Маскве ў сувязі з каранавірусам, заявіў прэм'ер-міністр Міхаіл Мішусцін. Пра гэта паведамляе ТАСС.
Мішусцін папрасіў расіянаў сур'ёзна і адказна паставіцца да самаізаляцыі ў гэты перыяд. Ён заклікаў іх адмовіцца ад забаў і паездак. Паводле яго слоў, цяпер варта пабыць дома.
Раней у пятніцу прэм'ер даручыў закрыць месцы масавага адпачынку на расійскіх курортах да 1 чэрвеня. З 30 сакавіка па 3 красавіка ў расійскай сталіцы закрыюцца месцы грамадскага харчавання, гарадскія паркі, гандлёвыя цэнтры. Гэты тыдзень быў абвешчаны Пуціным непрацоўным.
За апошнія суткі ў Расіі каранавірус пацвердзіўся ў 196 чалавек у 16 рэгіёнах. Агульная колькасць заражаных перавысіла тысячу чалавек.
