Эканоміку Еўрасаюза абароняць ад наступстваў каранавіруса за 37 мільярдаў еўра

Еўрапейскі парламент ухваліў меры па барацьбе з каранавірусам і абароне эканомікі рэгіёну ад яго наступстваў, прапанаваныя Еўракамісіяй (ЕК)

У прыватнасці, меры ўключаюць стварэнне інвестыцыйнага фонду ў памеры 37 мільярдаў еўра. Ён будзе дапамагаць еўрапейскім кампаніям пераадольваць наступствы эпідэміі. Цяпер міністры фінансаў еўрапейскіх дзяржаў павінны будуць распрацаваць агульны план падтрымліваючых мер на працягу двух тыдняў, паведаміла кіраўнік ЕК Урсула фон дэр Ляен.

Раней аналітыкі Bloomberg прыйшлі да высновы, што Еўразону чакае наймацнейшы эканамічны крызіс у гісторыі рэгіёну. Гэта адбудзецца на фоне фактычнага спынення дзелавой актыўнасці з-за каранавіруса.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0