Даслаць навіну
Знайсці
26.03.2020 / 15:05 6

Стала вядома, каму належыць «рэзідэнцыя прэзідэнта» на радзіме Лукашэнкі ў Александрыі

Комплекс у вёсцы Александрыя-2, які мясцовыя называюць «рэзідэнцыяй прэзідэнта», насамрэч належыць звязанай з бізнэсменам Аляксеем Алексіным кампаніі «Белнафтагаз». Гэта вынікае з даных адзінага дзяржрэгістра нерухомай маёмасці Беларусі. Акрамя гэтага комплексу, у вёсцы прыкладна на 30 двароў знаходзіцца бацькоўскі дом Аляксандра Лукашэнкі, а ў канцы 2019 года тут адкрылася ганаровае консульства Грузіі, якое ўзначальвае яшчэ адзін уплывовы бізнэсовец — Сяргей Цяцерын. Як усё гэта выглядае, распавядае TUT.BY.

Павялічыць

Што гэта за Александрыя-2?

Вёска Александрыя ў Шклоўскім раёне падзелена на дзве часткі: старая і новая, як кажуць старажылы. Падзяляе іх чыгунка — на мяжы знаходзіцца аднайменная чыгуначная станцыя. Вонкава дзве часткі вёскі таксама трохі адрозніваюцца.

Александрыя-2 прыкладна на 30 двароў уяўляе сабой дзве невялікія вуліцы, якія ўтвараюць кола. У яго цэнтры — яблыневы сад.

Павялічыць

Тут ідэальна роўныя дарогі, узорныя домікі ААТ «Александрыйскае», некалькі дамоў больш старых, крама, лазня і адноўленая бацькоўская хата Аляксандра Лукашэнкі.

Павялічыць

Як выглядае комплекс, які называюць «рэзідэнцыяй»

Практычна насупраць яе — комплекс з дзясяткам камер назірання і без апазнавальных знакаў на беразе ракі. Вось яго прыкладныя межы:

Яндекс.КартыЯндекс.Карты — поиск мест и адресов, городской транспорт

На тэрыторыі, якая праглядаецца не цалкам, размешчана некалькі аднапавярховых будынкаў, якія нагадваюць гасцявыя дамы, і двухпавярховы драўляны катэдж. Ёсць тут таксама лазня і альтанкі. Побач з комплексам — верталётная пляцоўка.

Павялічыць

Павялічыць

Цераз плот ад катэджа — закрытая плотам з шчыльнай сеткай спартыўная пляцоўка. Яна падзелена на зоны для гульні ў баскетбол, валейбол, вялікі тэніс і міні-футбол. У вызначаныя гадзіны тут можна займацца бясплатна ўсім ахвотным.

Павялічыць

Павялічыць

Мясцовыя кажуць, што ў гэтым комплексе спыняецца Аляксандр Лукашэнка, а таксама прымае гасцей, якія прыязджаюць, напрыклад, на свята Купалле. Таму жыхары Александрыі называюць гэта месца рэзідэнцыяй прэзідэнта. Але, як аказалася, гэта не так.

Гэты зямельны ўчастак плошчай 3,15 гектара на праве арэнды належыць кампаніі «Белнафтагаз», якая звязаная з буйным і ўплывовым бізнэсменам Аляксеем Алексіным. Яму сярод іншага таксама падкантрольная кампанія «Энерга-Оіл», якая займаецца «Табакеркамі», і МТБанк.

Павялічыць

Што ж тычыцца комплексу ў Александрыі, то гэтая зямля перададзена ў арэнду «Белнафтагаз» з 2012 па 2111 гады. Гадавая арэндная плата — 758 рублёў. Мэтавае прызначэнне ўчастка — для будаўніцтва і абслугоўвання аб'екта «Комплекс па абслугоўванні дэлегацый у вёсцы Александрыя-2». Сам комплекс таксама належыць «Белнафтагазу».

У 2019 годзе гэтай кампаніі таксама быў прадстаўлены суседні ўчастак у 0,7 гектара для будаўніцтва дома гасцінічнага тыпу, які ўжо практычна завершаны.

Павялічыць

Гадавая арэндная плата за гэтую зямлю — 286 рублёў. Тэрмін арэнды — да восені 2118 года.

Павялічыць

А што ўяўляе сабой ганаровае консульства Грузіі?

Недалёка ад комплексу «Белнафтагаз» размешчаны яшчэ адзін цікавы аб'ект — пабудаваны ў 2015 годзе дом бізнэсмена, кіраўніка Беларускай тэніснай федэрацыі і ганаровага консула Грузіі ў Беларусі Сяргея Цяцерына. Менавіта тут у канцы 2019 года ён адкрыў ганаровае консульства гэтай краіны.

Павялічыць

Кампаніі Цяцерына займаюцца дыстрыбуцыяй прадуктаў і алкаголю, грамадскага харчавання (як мінімум — бар «Свабоды, 4»), а таксама збіраюцца будаваць шматфункцыянальны комплекс насупраць Палаца незалежнасці ў Менску. Бізнэсмен вядомы таксама тым, што далучыў Аляксандра Лукашэнку да вялікага тэніса.

Павялічыць

Дом Цяцерына ў Александрыі мае агульную плошчу ў 160 квадратных метраў. Размешчаны на ўчастку ў 0,24 гектара.

Па суседстве з аб'ектамі Цяцерына і «Белнафтагазу» стаяць дамы, якія належаць ААТ «Александрыйскае».

Павялічыць

Мяркуючы па ўсім, там жывуць работнікі гаспадаркі. Каля аднаго з іх стаіць Audi 80 з пачатку 90-х. Каля іншых — часам паркуюцца прэстыжныя машыны з канца 2010-х.

Хочаш падзяліцца важнай інфармацыяй
ананімна і канфідэнцыйна?

TUT.BY

0
litwin / адказаць
26.03.2020 / 18:41
вёсцы Александрыя-2, які мясцовыя называюць «рэзідэнцыяй прэзідэнта», насамрэч належыць звязанай з бізнэсменам Аляксеем Алексіным кампаніі «Белнафтагаз»..... 2019 года тут адкрылася ганаровае консульства Грузіі,
https://nn.by/?c=ar&i=248743
2
HENRIK KWINTA / адказаць
26.03.2020 / 20:13
Мне на гэта насраць.
1
Алесь Данілевіч / адказаць
26.03.2020 / 20:54
Няма вялікага тэніса. Ёсць тэніс і настольны тэніс
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
люты сакавік красавік
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31