На праспекце Дзяржынскага «Таёта» ўрэзалася ў тралейбус

Пра выпадак паведаміла ДАІ ў сваім тэлеграм-канале.

45-гадовы кіроўца аўтамабіля «Таёта» рухаўся па пр-це Дзяржынскага з боку вул. Е. Гедройца ў бок праспекта Любімава ў першай паласе для руху.

Пры ўзнікненні перашкоды ў выглядзе тралейбуса, які стаяў на прыпыначным пункце, не прыняў меры да зніжэння хуткасці і здзейсніў на яго наезд. У выніку здарэння траўмы атрымаў кіроўца «Таёты».