На Віцебшчыне разам з сухой травой спалілі два хлявы і лазню

Два хлявы і лазня згарэлі ў Чашніцкім раёне з-за выпальвання сухой травы, паведамілі БелТА ў Віцебскім абласным упраўленні МНС.

Паведамленне пра загаранне сухой травы ў вёсцы Хаўчы паступіла ў аператыўны цэнтр 24 сакавіка ў 19.11. Да прыезду ратавальнікаў агонь знішчыў лазню і адзін з хлявоў, другі згасілі, аднак будынак сур'ёзна пацярпеў. Таксама супрацоўнікам МНС удалося ўратаваць жылы дом, на які мог перакінуцца агонь.

На момант узнікнення здарэння ў будынках нікога не было. Па факце пажару праводзіцца праверка. Асноўная версія — сухую траву запаліў невядомы.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0