Даслаць навіну
Знайсці
24.03.2020 / 18:52 78

Кім: Лукашэнка ратуе Беларусь ад катастрофы, не ўводзячы каранцін. Вячорка: Злачынна!

«Я падтрымліваю тое, што робяць улады з нагоды каранавіруса. Лічу, што Аляксандр Лукашэнка імкнецца выратаваць краіну ад катастрофы (і ў яго пакуль атрымліваецца). А шырокі каранцін краіну можа дабіць. Наша эканоміка такога не вытрымае.

Такім чынам, усё перавярнулася і беларуская ўлада засталася ці не адзінай у свеце, якая кіруецца не папулізмам, а жаданнем дабра для грамадства. Ведаю, што за гэта мяне з'ядуць, але не магу маўчаць у сітуацыі ўсеагульнага вар'яцтва», — напісаў у фэйсбуку стваральнік кампаніі «Кінаконг» Андрэй Кім.

Павялічыць

Андрэй Кім

Кім — стваральнік малога нішавага бізнэсу, якому і так не соладка. Але ў выпадку ўсеагульнага каранціну яго справа можа апынуцца на мяжы банкруцтва. Кімаў «Кінаконг» паказвае кіно на беларускай мове, каранцін закрыў бы кінатэатры.

«Я, як бізнэсовец, бачу, якія катастрафічныя наступствы нясе паніка», — наракае ён.

Рэзкі адказ Кіму напісаў Франак Вячорка, віцэ-прэзідэнт амерыканскай Digital Communication Network, адзін з менеджараў беларускай службы «Радыё Свабода».

Павялічыць

У 2014 «Наша Ніва» назвала Людзьмі года Франака Вячорку і іншых папулярызатараў вышыванкі

«Людзі, якія вераць у слушнасць лукашэнкаўскай палітыкі па ігнараванні віруса і злачыннага бяздзеяння, вы адкуль зваліліся? Не трэба паўтараць памылак тых урадаў, якія таксама выбіралі падобную тактыку напачатку і жорстка паплаціліся пасля.

Не, тут асаблівага шляху няма, і лепш за каранцін і сацыяльнае дыстанцыяванне нічога чалавецтва не прыдумала. Не трэба посціць фэйкі пра Швецыю, якая вырашыла даць «перахварэць усім». Шведы ўвялі каранцінныя захады і жорстка іх пільнуюцца, як і ўсе цывілізаваныя (і нецывілізаваныя таксама) краіны.

Утойваннем праўды і ігнараваннем праблема не вырашаецца, а эканоміка не ратуецца. Кажуць, калі будзе ўведзены каранцін — гэта даб'е эканоміку. Але беларуская эканоміка залежыць найперш ад нафтапрадуктаў і транзіту, а не ад школ, кінатэатраў і футбольных матчаў. Няўжо вы лічыце, што беларуская эканоміка трымаецца на заводскіх рабочых, школьніках ці вадзіцелях метро? У такіх сітуацыях, калі дзяржава не хоча ці не можа паклапаціцца пра сваіх грамадзянаў, людзі могуць і мусяць самаарганізоўвацца».

Такога ж меркавання прытрымліваецца і папулярны блогер Ігар Лосік («Беларусь галаўнога мозга»), звязаны з «Радыё Свабода».

Павялічыць

«Новы чэлендж у фэйсбуку. Падтрымаем бяздзейнасць Лукашэнкі. Ад цалкам не дурных людзей, якія ад яго ўжо не раз атрымлівалі па галаве. Цяпер ён, аказваецца, адзіны эканоміку трымае і не дае ўпасці. Хаха.

Нібыта да поўнага каранціну ніхто не заклікае, ніхто не просіць зачыняць увогуле ўсё ў краіне, хапіла б хаця б мінімальных мер (школы, універы, поўны кантроль на мяжы і максімальны ахоп тэстамі насельніцтва). Ад такога эканоміка не разбураецца. А нават калі б і заклікалі да поўнага каранціну, гэта ў першую чаргу віна Лукашэнкі, што за 25 гадоў ён пабудаваў такую ​​эканоміку, якая месяц аўтаномна не вытрымлівае. А вы яго ўжо публічна хваліце», — адзначае ён.

Хочаш падзяліцца важнай інфармацыяй
ананімна і канфідэнцыйна?

NN.by, заставачнае фота Надзеі Бужан

4
меркаванне / адказаць
25.03.2020 / 19:51
Максим Дизайнер, а ты калі сваліш на рэгнум ці спутнік? 
1
Viknik / адказаць
25.03.2020 / 23:20
Мордехай В., Даўно тут не быў, прыемна здзіўлены, што перайшлі на беларускую, Дзякуй. Заўсёды з цікавасцю вас чытаю.
3
счётчик Гейгера / адказаць
28.03.2020 / 23:37
время покажет Кто прав : Лукашенко и Швеция или остальной мир....Через пару месяцев....
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
люты сакавік красавік
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31