Знайсці
23.03.2020 / 16:531РусŁacБел

Пенсіянерка з Оршы павялася на прапанову «банка» атрымаць 150 рублёў, а страціла 400 рублёў

Пенсіянерка з Оршы атрымала паведамленне са старонкі сваёй «знаёмай». Тая напісала, што нібыта Беларусбанк праводзіць акцыю сярод пенсіянераў і «раздае» па 150 рублёў. Як атрымаць падарунак «сяброўка» абяцала навучыць, паведамляе абласная міліцыя.

Аказалася, што для гэтага дастаткова пазначыць звесткі аб рэквізітах банкаўскай карты.

Пенсіянерка некаторы час сумнявалася, ці варта перадаваць рэквізіты знаёмай. Аднак, грошы ёй былі вельмі патрэбныя, і гэта перамагло здаровы сэнс. Жанчына напісала і адправіла ўсе звесткі банкаўскай карты. Пасля чаго пайшла ў найбліжэйшы банкамат, паглядзець, ці залічаны грошы, бо СМС-апавяшчэнне ў яе падключана не было.

На рахунку не аказалася абяцаных грошай. Акрамя таго, не аказалася і больш за 400 рублёў асабістых зберажэнняў.

У банку жанчыне патлумачылі, што ніякіх акцый банк не праводзіць і што яна стала ахвярай махляроў.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031