Японія прызнала немагчымасць правядзення Алімпіяды
Прэм'ер-міністр Японіі Сіндза Абэ падчас выступу ў парламенце прызнаў, што Алімпійскія гульні, запланаваныя на лета 2020 года, немагчыма правесці з-за сітуацыі з каранавірусам. Словы палітыка прыводзіць ТАСС.
«Я думаю, што сітуацыя ў свеце цяпер не такая, каб праводзіць Алімпіяду», — прыводзіць словы Абэ агенцтва. Прэм'ер-міністр таксама адзначыў, што абмяркуе пытанне арганізацыі Гульняў з прэзідэнтам Міжнароднага алімпійскага камітэта (МАК) Томасам Бахам.
Алімпійскія гульні ў Токіа запланаваны з 24 ліпеня па 9 жніўня 2020 года. У нядзелю Томас Бах заявіў, што на працягу чатырох тыдняў МАК прыме рашэнне адносна магчымасці правядзення Гульняў ва ўстаноўленыя тэрміны. У панядзелак Нацыянальны алімпійскі камітэт Канады першым адмовіўся адправіць зборную ў Токіа. Затым адмовілася і Аўстралія.
