Даслаць навіну
Знайсці
23.03.2020 / 09:40 162

«Дзіця не запамінае гэтых дэбільных словаў». Педагог з-пад Клімавічаў запісала абуральнае ВІДЭА пра беларускую мову

Іна Кардабнёва жыве ў аграгарадку Ціманава пад Клімавічамі і працуе інструктарам-метадыстам у дзіцяча-юнацкай спартыўнай школе. Скончыла фізкультурны ўніверсітэт, удзельнічае ў чэмпіянатах краіны па лёгкай атлетыцы. У сацсетках піша, што ганарыцца тым, што з’яўляецца настаўніцай.

У вольны ад школы час Іна займаецца нарошчваннем веек.

Павялічыць

Але праславілася жанчына не як педагог.

Нядаўна Іна завяла ютуб-канал. Такіх ў інтэрнэт-прасторы мільёны — касметыка, макіяж, падарункі на 8 сакавіка… Папулярнасць не даходзіла і да 1000 праглядаў, усё ж канкурэнцыя з боку школьніц велізарная.

І Кардабнёва знайшла выйсце. Яна выклала абразлівае відэа пра беларускую мову. У ім жанчына абураецца, што яе сыну даводзіцца вучыць у школе гэты «нікому непатрэбны прадмет».

«Беларуская мова ў нас нідзе не выкарыстоўваецца. Адзінае выключэнне, не ведаю, для каго гэта зрабілі, напэўна, для нейкага понту, — у метро ў Мінску аб’яўляюць прыпынкі на беларускай мове. Да чаго гэта наогул, незразумела», — вяшчае блогерка.

І дадае, што беларуская патрэбна толькі для таго, каб вывучыцца на настаўніка беларускай мовы.

Працяг тэмы. Начальніка клімавіцкай трэнеркі выклікалі ў райвыканкам. А яе, можа, пазбавяць прэміі

Павялічыць

Інструктарка лічыць, што родная мова замінае вучыць рускую.

«Калі сын робіць у беларускай мове рускія памылкі, мяне гэта не прыводзіць у шаленства, але калі ў рускай мове гэтыя калгасныя беларускія памылкі з’яўляюцца, вось гэта мяне проста забівае».

Іна кажа, што не сварыцца на сына за дрэнныя адзнакі па белмове і наогул з радасцю б дазволіла яму не вывучаць гэты прадмет.

«Але яна ж [беларуская мова], сабака, уплывае на гадавыя адзнакі, на атэстат»,

— хвалюецца маці.

«Навошта рабіць нашых дзяцей яшчэ больш тупымі, бо яны праз беларускую не могуць вывучыць рускую мову <…> Яна ж працягвае нам пудрыць мазгі да 11 класа!» — выказваецца яна.

Павялічыць

Дома Іна не ўжывае «стромных» беларускіх словаў, таму зрабіць дамашку для дзіцяці па гэтым прадмеце — сапраўднае выпрабаванне.

«Дзіцяці трэба пераказаць тэкст, а ён не запамінае гэтых дэбільных словаў… Я нават не хачу, каб ён іх вучыў, каб забіваў сваю галаву гэтымі непатрэбнымі абсалютна словамі».

Па словах блогеркі, ад роднай мовы толькі адны праблемы.

«Калі з глыбінкі дзеці прыязджаюць з малпавым, калгасным акцэнтам, гэта перашкаджае ім!» — працягвае вяшчаць педагог, шкадуючы, што ў яе няма «прыгожага маскоўскага акцэнту», а людзям «цяжка слухаць каравае беларускае маўленне».

Беларускую мову жанчына называе ламанай рускай і падсумоўвае:

«Вельмі непатрэбная мова, хай бы яна гарэла сінім полымем».

Відэа ўжо набрала 10 тысяч праглядаў і 4 тысячы дызлайкаў. Самы папулярны каментар (амаль 800 лайкаў) пра тое, што Карданёва — разумова непаўнавартасная.

«Наша Ніва» звязалася з жанчынай. Іна расказвае, што даўно хацела запісаць такі зварот.

— Я проста выказала сваё меркаванне. А ўбачыла неадэкватныя каментары, людзі сталі жудасна абражаць мяне, нават пагрозы сталі паступаць. Напісалі, што я абражаю і радзіму, і нацыю.

— А вы не лічыце, што абражаеце?

— Не, канечне, не лічу.

Сваю пазіцыю яна лічыць абгрунтаванай:

«Не проста «мне не падабаецца» і ўсё. Дзецям складана беларускую мову вучыць. Ні па якім іншым прадмеце я такога не скажу, ні па астраноміі, ні па фізіцы. Асабліва цяжка даецца дзецям у малых гарадах. Яны і так не чуюць там рускае маўленне».

Павялічыць

Пры гэтым Іна запэўнівае, што яна патрыётка.

«Як мінімум двойчы на месяц слухаю гімн, бо ён гучыць на адкрыцці спаборніцтваў».

Хочаш падзяліцца важнай інфармацыяй
ананімна і канфідэнцыйна?

НЛ

1
Вясковы Лірнік / адказаць
25.03.2020 / 16:35
Усе ахвотныя яе ўжо паглядзелі, пара пераключаць на конікаў.
4
Андрюха Горец (Беларусь Витебск ) / адказаць
25.03.2020 / 22:11
 Нет нет - даже не уговаривайте ... Такие *Педагоги * нам тут точно не Нужны !  (Н .Озеров )    И Мы Беларусы и и даём ей Полное Право - Свободно уехать в ту страну где  *Не требуется понимания  Дебильных слов *  ! ... То есть - Мы  тебя  НЕ СМЕЕМ удерживать - в нашей Стране !!! И твоё присутствие в НАШЕЙ Стране  - уже НЕ ОБЯЗАТЕЛЬНО !! 
0
Fritz / адказаць
29.03.2020 / 19:36
Русский Беларус, русский языком науки тоже не является. Всё самое актуальное и интересное все равно в первую очередь появляется на английском. Так что половину предметов университетов можно смело  на английский переводить (как, например, уже делают многие университеты в Германии). 

Есть между большими европейскими грантами маленькая страна Люксембург, куда на работу из соседних стран приезжает на работу больше людей, чем там постоянно живет. Этнообразующее население говорит на люксебургском, в начальной школе занятия идут на нём же. Теперь, внезапно, со средней школы все предметы преподаются по-немецки. А в завершающих классах старшей школы опять же всё идет по-французски. Чтобы люксембуржцы имели возможность учиться как в Германии, так и во Франции. И да, на люксебругcком в Люксембугском університете даже интернет-страницы нет. А вот наука там как раз очень есть.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
люты сакавік красавік
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31