Беларусы змогуць вылецець расійскімі авіярэйсамі з трэціх краін
Ніякіх праблем у грамадзян Беларусі, якія маюць на руках квіткі на вылет бартамі расійскіх авіяперавозчыкаў з трэціх краін, быць не павінна. Пра гэта гаворыцца ў заяве пасла Расіі ў Беларусі Дзмітрыя Мезенцава.
Паводле яго слоў, адпаведнае распараджэнне ўрадам Расіі выдадзена. Акрамя таго, як адзначыў пасол, кіраўнік Федэральнага агенцтва паветранага транспарту Аляксандр Нерадзька, пацвердзіў, што ўсе ўказанні ў мэтах выканання ўрадавага распараджэння авіяцыйным кампаніям Расіі дадзены.
Мезенцаў падкрэсліў, што пасольства Расіі ў Беларусі знаходзіцца ў цесным кантакце з МУС краіны, а таксама з міністрам замежных спраў Уладзімірам Макеем, які «зрабіў вельмі шмат для таго, каб бакі аказвалі максімальную ўвагу грамадзянам, якія апынуліся ў складанай жыццёвай сітуацыі».
