У Польшчы абвясцілі рэжым эпідэміі. Штраф за парушэнне каранціну — больш за $7 тысяч

Прэм'ер-міністр Польшчы Матэуш Маравецкі абвясціў аб увядзенні рэжыму эпідэміі ў краіне з-за распаўсюджвання каранавіруса, паведамляе «Польскае Радыё».

Па словах польскага прэм'ера, гэта рашэнне дае ўладам новыя магчымасці для барацьбы з распаўсюджваннем каранавіруса ў краіне, аднак пры гэтым яно цягне за сабой пэўныя абавязацельствы.

«Мы таксама ўкараняем механізмы, якія дазваляюць адсочваць, ці сапраўды чалавек знаходзіцца дома па адрасе», — паведаміў прэм'ер-міністр падчас прэс-канферэнцыі ў пятніцу 20 сакавіка.

Тым, хто парушае каранцін, будзе пагражаць штраф у памеры 30 тысяч злотых (каля 18 тысяч беларускіх рублёў).

Акрамя таго, у Польшчы прыпыняюцца заняткі ва ўсіх навучальных установах да Вялікадня.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0