З'явілася страхоўка ад каранавіруса. Калі чалавек памрэ, сваякам заплацяць у 100 разоў больш
«Белдзяржстрах» прапанаваў кліентам новую паслугу — страхаванне ад каранавіруса.
Страхавая сума — ад 3000 рублёў. Узнос — 1% ад страхавой сумы.
Колькі заплацяць пацыенту ці яго сваякам у выпадку хваробы?
Калі хвароба выявіцца раней, чым праз 21 дзень, 15% ад страхавой сумы. Калі пазней — 20%. Нарэшце, у выпадку смерці спадчыннікам памерлага заплацяць 100%.
Іншымі словамі, калі нехта застрахуе сябе на $100 і раптам памрэ, яго сваякі атрымаюць $10 тысяч.
«Такая дамова з’явілася яшчэ ў 2009 годзе, — патлумачылі ў «Белдзяржстраху». — Яна называецца «Добраахвотнае страхаванне ад небяспечных захворванняў». Паслугу страхавання ад каранавіруса мы дадалі, калі пачаўся ажыятаж і з’явіліся першыя захварэлыя.
Акрамя каранавіруса, застрахаваць сябе можна ад ВІЧ-інфекцыі, халеры, чумы і іншых цяжкіх хвароб».
У «Белдзяржстраху» пацвердзілі, што попыт на паслугу ёсць і некалькі чалавек ужо застрахаваліся.
