Знайсці
19.03.2020 / 16:4014РусŁacБел

Брытанія зачыняе школы амаль апошняй. Ва ўсёй Еўропе іншай тактыкі трымаюцца толькі Беларусь і Швецыя

Брытанія стала адной з апошніх на еўрапейскім кантыненце, хто адпраўляе дзяцей на вакацыі. Школы там закрыюцца з пятніцы.

Адначасова па распараджэнні прэм'ера Борыса Джонсана спыніць працу большасць станцый метро.

У Лондане закрываюць 40 станцый метро, ​​колькасць аўтобусаў скароцяць

Яшчэ раней школы зачынілі Італія, Іспанія, Францыя, Бельгія, Данія, Нямеччына — апошняя ва ўсіх раёнах, дзе зафіксаваныя выпадкі каранавіруса. Прэвентыўна, на раннім этапе развіцця пандэміі, пакінулі дзяцей дома Польшча, Украіна, Літва, Латвія, Славаччына, Чэхія, Румынія, Балгарыя і Сербія. Даўжэй вагаліся Нідэрланды і Брытанія.

Прамаруджванне Джонсана стала аб'ектам крытыкі ў краіне.

Медыкі спадзяюцца, што школьны каранцін здольны хоць трохі запаволіць распаўсюд заразы.

Па стане на 18 сакавіка ў Брытаніі было выяўлена больш за 2600 выпадкаў каранавіруса, 105 чалавек памерлі.

Чытайце таксама: Мінскі хлопец, які падчапіў «карону», вядзе тэлеграм-канал проста з інфекцыёнкі

Дагэтуль школы застаюцца адкрытыя ў Швецыі і Беларусі. Шведскі ўрад цяпер разглядае магчымасць закрыцця ўстаноў сярэдняй і дашкольнай адукацыі, узважвае спосабы апекі над дзецьмі бацькоў, занятых у асобных ключавых сектарах, такіх, як медыцына.

У Беларусі пасля крытыкі з боку грамадскасці Аляксандр Лукашэнка дазволіў дзецям не хадзіць у школу па жаданні бацькоў.

Сяргей Гезгала

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера