Даслаць навіну
Знайсці
18.03.2020 / 15:23 2

Радзіма Труфальдзіна стала полюсам гора ў гэтыя дні

Павялічыць

Полюс гора каранавіруса існуе, і гэта горад Бергама ў Італіі. 385 памерлых за тыдзень, і краю гэтаму кашмару пакуль не відаць, хоць лічба заражэнняў стала падаць пасля ўвядзення жорсткіх абмежаванняў на перасоўванне.

Нешта такое перажывалі нашы продкі ў час эпідэмій.

Горад памерам як Пінск, размешчаны за 40 кіламетраў ад Мілана і за 30 км ад мяжы Італіі са Швейцарыяй. Радзіма Труфальдзіна стала прыкладам таго, як дорага каштуе затрымка з увядзеннем каранціну. 

Правінцыя Бергама не была ўключаная ў так званую zona rossa, чырвоную зону ізаляцыі пасля першай успышкі эпідэміі ў Італіі. У выніку ён панёс нашмат большыя страты, чым першыя агмяні. 

Рэанімацыі перапоўненыя, бальніцы запруджаныя, цяжка хворых з Бергама транспартуюць у іншыя рэгіёны Італіі, нават у Палерма.

Чытайце таксама: Чаму ў Італіі працэнт смяротнасці такі высокі?

Вайскоўцы, альпійскія стралкі разам з сіламі Грамадзянскай абароны, разгортваюць палявы шпіталь у выставачным цэнтры горада, піша мясцовая газета Eco di Bergamo. Ён здольны будзе прыняць да 250 чалавек і будзе забяспечваць рэжым субінтэнсіўнай тэрапіі. Агулам у правінцыі Бергама выяўлена амаль 4000 носьбітаў каранавіруса.

Пад шпіталі пераабсталёўваюць таксама гатэлі Бергама. На гэтыя мэты жыхары і сябры горада краўфандынгам сабралі ўжо 860 тысяч еўра. Дарэчы, беларусы таксама многім абавязаныя бергамаскам — горад масава прымаў беларускіх дзяцей Чарнобыля ў 1990-я гады.

Усяго ў Італіі ад эпідэміі памерлі ўжо каля 2500 чалавек.

Чытайце таксама: Бізнэсмен прывёз каранавірус у Мінск. Праз яго ў каранцін трапілі дактары «Ладэ», студэнты БДУ, вучні гімназіі №20 і парачка тэнісістаў

Сяргей Гезгала

Хочаш падзяліцца важнай інфармацыяй
ананімна і канфідэнцыйна?

0
Грамазека / адказаць
18.03.2020 / 22:09
Цифры сумнявальные, и што можаце паказаць 500 новых захараненняу?
0
Мірон / адказаць
19.03.2020 / 02:16
Італія нам шмат дапамагала пасля Чарнобыля. Урад мог бы іх неяк падтрымаць.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30