Байдэн выйграў праймерыз у новых трох штатах

Фота з інстаграма Джо Байдэна

У аўторак праймерыз, па выніках якіх паміж кандыдатамі размяркуюць галасы дэлегатаў партыйнага з'езда, праводзіліся ў Арызоне (67 дэлегатаў), Ілінойсе (155) і Фларыдзе (219). Усюды перамогу з салідным адрывам атрымаў Байдэн, прычым у Фларыдзе з адрывам амаль у тры разы.

Асноўных кандыдатаў на праймерыз дэмакратаў два — Байдэн (да аўторка ў яго было ўжо 892 дэлегаты) і Сандэрс (741).

Усяго для перамогі на партыйным з'ездзе ў ліпені трэба будзе набраць галасы як мінімум 1991 дэлегата з 3979. З улікам галасавання 17 сакавіка праймерыз адбыліся ўжо ў 27 з 50 штатах (не лічачы розных амерыканскіх тэрыторый за межамі ЗША).

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0