Каранцін увялі на двух абутковых прадпрыемствах у Віцебску
На «Белвесце» і «Чырвоным кастрычніку» ў Віцебску ўвялі каранцін. Павел Мартынаў, які ўзначальвае другое прадпрыемства, знаходзіцца на бальнічным, паведамляюць «Народныя навіны Віцебска».
На прахадных гэтых двух абутковых прадпрыемстваў, якія размяшчаюцца побач на праспекце Люднікава, з'явіліся аб'явы аб увядзенні каранціну.
Аб'ява на ўваходзе ў вытворчую зону СТАА «Белвест» гаворыць пра ўвядзенне каранціну з 12 сакавіка і абмежаванне ўваходу на тэрыторыю прадпрыемства пабочных асоб.
На прахадной ААТ «Чырвоны Кастрычнік» аб'ява больш катэгарычная: яна паведамляе пра тое, што прадпрыемства закрыта на каранцін з 14 сакавіка па 3 красавіка.
Каранцін увялі толькі на «Чырвоным кастрычніку», а галоўнае прадпрыемства працягвае працаваць у звычайным рэжыме.
