Нафта Brent апускалася ніжэй за $30
Кошт ф'ючарса на нафту Brent з пастаўкай у маі 2020 года падчас таргоў на біржы ICE ў Лондане паскорыла зніжэнне і дасягала адзнакі ў $29,60 за бараль, вынікае з даных гандлёвай пляцоўкі на 16:31. Упершыню са студзеня 2016 года.
Потым цана крыху вырасла, і па стане на 16:52 нафта таргуецца па 30,20 даляра.
Нафта WTI таргуецца па 28,74 даляра.
Падзенне цаны нафты працягваецца з-за ўзмацнення боязі запаволення сусветнай эканомікі і падзення попыту разам з растучай здабычай сыравіны. ФРС і іншыя найбуйнейшыя цэнтрабанкі не змаглі стабілізаваць рынкі.
Негатыўна на настроі інвестараў паўплывала макраэканамічная статыстыка. Аб'ём прамысловай вытворчасці ў Кітаі рэзка скараціўся на фоне распаўсюджвання каранавіруса і спынення працы прадпрыемстваў з-за каранціну.
