Канфлікт двух суседзяў у Барысаўскім раёне скончыўся забойствам

Высвятляюцца абставіны забойства мужчыны ў Барысаўскім раёне, паведамляе Следчы камітэт.

Днём 13 сакавіка ў двары прыватнага дома ў Барысаўскім раёне знойдзена цела 60-гадовага мужчыны з нажавым раненнем. Па папярэдніх даных, пацярпелы знаходзіўся ў хаце ў аднавяскоўца. У нейкі момант паміж імі здарыўся канфлікт. Адзін з мужчын параніў другога, пацярпелы выйшаў з хаты ў двор, дзе і памёр.

Следчыя распачалі крымінальную справу па артыкуле «забойства». Па падазрэнні ў злачынстве затрыманы 68-гадовы гаспадар дома.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0