У Славаччыне вырашылі закрыць усе аэрапорты, у Чэхіі ўвялі надзвычайнае становішча
У Славакіі і Чэхіі абвясцілі надзвычайнае становішча ў сувязі з пагрозай эпідэміі каранавіруса COVID-19.
Фота Надзеі Бужан
У Славаччыне прынялі рашэнне аб закрыцці пагранічных пунктаў для замежнікаў і ўсіх трох міжнародных аэрапортаў, паведамляе Zilinak.
Увялі 14-дзённы каранцін: закрываюцца школы, спартыўныя і забаўляльныя цэнтры. Гандлёвыя цэнтры будуць працаваць толькі ў буднія дні.
У Славаччыне на сёння зарэгістравана 16 пацверджаных выпадкаў заражэння.
Як паведамляе «Радыё Прага», урад Чэхіі аб'явіў надзвычайнае становішча ў краіне тэрмінам на 30 дзён.
З 14 сакавіка будуць закрыты большасць памежных пераходаў з Германіяй і Аўстрыяй. Таксама забараняецца ўезд у Чэхію грамадзянам краін, дзе знаходзяцца ачагі эпідэміі, а таксама выезд у гэтыя краіны.
У Чэхіі зарэгістравана 96 выпадкаў заражэння каранавірусам.