Каранавірус дабраўся да Гродна. У жанчыны, якая вярнулася з Італіі, тэст паказаў станоўчы вынік
Як паведаміла начальнік галоўнага ўпраўлення аховы здароўя аблвыканкама Алена Кроткава, 62-гадовая жанчына прыбыла з Італіі ў Гродна ноччу з панядзелка на аўторак, піша «Гродзенская праўда».
Прычым яна сама звярнулася па медыцынскую дапамогу. У аўторак днём жанчына была дастаўлена брыгадай «хуткай» і шпіталізавана ў абласную інфекцыйную бальніцу. Ніякіх праяў рэспіраторнай інфекцыі не назіралася.
Аднак сёння атрымалі лабараторнае пацверджанне наяўнасці ў яе каранавіруса. Пацыентка ізаляваная і знаходзіцца пад пільным наглядам медыцынскіх работнікаў. Праводзяцца мерапрыемствы па выяўленні кантактаў.
Сёння раней Мінздароўя паведамляў пра два новыя выпадкі каранавіруса: у жыхара Гомеля і жыхара Мінска. Такім чынам усяго ў Беларусі зафіксавана 12 выпадкаў.
