Студэнты БНТУ з 10 сакавіка будуць вучыцца ў звычайным рэжыме

Дыстанцыйнае навучанне студэнтаў БНТУ завершыцца 9 сакавіка. Пра гэта карэспандэнту агенцтва «Мінск-Навіны» распавёў першы прарэктар ВНУ Георгій Вяршыня.

Фота Надзеі Бужан.

Навучальны працэс у сталічным універсітэце вернецца ў звычайны рэжым з аўторка.

БНТУ перайшоў на індывідуальнае навучанне ў рэжыме анлайн 28 лютага. Планавалася, што навучальны працэс будзе арганізаваны такім чынам да 15 сакавіка.

Нагадаем, у аднаго з замежных студэнтаў ВНУ, які 22 лютага прыбыў у Беларусь, праз 5 дзён дыягнаставалі каранавірус. Пад наглядам медыкаў апынуўся не толькі гэты малады чалавек, але і іншыя студэнты, а таксама выкладчыкі універсітэта.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0