Грамадзянку Украіны ў «ЛНР» прысудзілі да 12 гадоў турмы за «дзяржздраду»

Жыхарку «Луганскай народнай рэспублікі» (ЛНР) прысудзілі да 12 гадоў турэмнага зняволення за дзяржздраду, паведамляе г. зв. Міністэрства дзяржаўнай бяспекі ЛНР.

Аляўціну Папову абвінавачвалі ў тым, што яна па заданні Службы бяспекі Украіны збірала інфармацыю пра вайскоўцаў і чыноўнікаў ЛНР і падбірала сярод іх «кандыдатаў на вярбоўку», якіх можна будзе выкарыстоўваць у якасці агентаў ці ўдзельнікаў праграмы «Цябе чакаюць дома». Вярхоўны суд самаабвешчанай рэспублікі прызнаў яе вінаватай і прызначыў ёй мінімальны тэрмін пакарання, адзначылі ў прэс-службе міністэрства.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0