У Бярозе чалавек падарваўся на выбухоўцы, разбіраючы металалом

Фота: СК.

Раніцай 4 сакавіка ў міліцыю паступіла паведамленне аб тым, што ў двары прыватнага дома пры разборы металалому 44-гадовы жыхар Бярозы атрымаў цялесныя пашкоджанні, піша тэлеграм-канал Следчага камітэта.

Следчыя дазналіся, што ў гэты дзень ён разбіраў, як мяркуецца, узрывальнік нявысветленага боепрыпаса, у выніку чаго адбыўся выбух.

Мужчына атрымаў цялесныя пашкоджанні, з якімі шпіталізаваны. Яго брат, які стаяў побач, не пацярпеў.

На месцы здарэння знойдзеныя больш за дзесяць элементаў бомб без выбуховых рэчываў і сродкаў падрывання.

Ідзе праверка.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0