ВІДЭА: так выглядае Ухань на каранціне. Ці зможа Еўропа так спыніць жыццё сваіх гарадоў?
Кітай змог спыніць распаўсюд каранавіруса, зрабіўшы драконаўскія захады. 11-мільённы Ухань, агмень заразы, ізалявалі. З аднаго яго раёна ў другі можна прайсці толькі па пропуску. Сістэмы відэаназірання адсочваюць рух грамадзян, якіх абавязвае каранцін.
Звычайныя мегаполісы — гэта мурашнік. Мільёны людзей, машын. Ухань апошнія тры тыдні — гэта горад як з фільма-антыўтопіі.
Улады спынілі на некалькі тыдняў працу шматлікіх прадпрыемстваў, абмежавалі рух і працу школ у многіх правінцыях Кітая.
Строгія меры спрацавалі. Колькасць новых заражэнняў у Кітаі падае.
Тым не менш на сёння на Кітай прыпадае 97% выпадкаў каранавіруса і смерцяў ад яго.
Ці змогуць еўрапейскія краіны спыніць распаўсюд заразы так жа хутка, як тое зрабіў таталітарны Кітай?
Італія, агмень заразы ў Еўропы, абвясціла пра часовае закрыццё школ і ўніверсітэтаў у рэгіёнах, ахопленых эпідэміяй.