Дзяржсакратар Пампеа: ЗША ніколі не прызнаюць Крым расійскім

Злучаныя Штаты Амерыкі не прызнаюць і ніколі не будуць прызнаваць дамаганні Расіі на суверэнітэт над паўвостравам Крым, заявіў дзяржсакратар ЗША Майка Пампеа, піша РБК.

У заяве гаворыцца, што 27 лютага адзначаецца шостая гадавіна спробы Расіі анексаваць Крымскі паўвостраў Украіны.

«Крым — гэта Украіна. Мы заклікаем Расію спыніць акупацыю Крыма», — адзначыў амерыканскі дыпламат.

Пампеа нагадвае, што ўлады працягваюць парушаць правы чалавека на паўвостраве. У прыватнасці, у турмы трапілі больш за 80 чалавек «за мірнае супрацьдзеянне акупацыі».

Пампеа таксама дадаў, што санкцыі супраць РФ захаваюцца да поўнага выканання мінскіх пагадненняў і вяртання Крыма.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0