Даслаць навіну
Знайсці
25.02.2020 / 14:02 24

Хлопец, які замаўляў гарбату ў «Камунарцы», паказаў сваю шыкоўную калекцыю аўтамабіляў ФОТЫ

Мінчук Руслан Юсупаў, сам таго не чакаючы, раптам стаў зоркай. Пра тое, што гэта менавіта ён замаўляў гарбату ў кавярні, ведаюць многія. А вось пра тое, што Руслан не толькі калекцыянуе, а нават сам расфарбоўвае мадэлькі машын, хлопец расказаў «Нашай Ніве».

Павялічыць

«Я не проста калекцыяную машынкі, я ствараю мадэль Беларусі, у якой мару жыць. Усе службовыя машынкі ў мяне падпісаны па-беларуску, усе дарожныя знакі на беларускай мове, а шыльды з назвамі вуліц толькі гістарычныя або такія, якімі яны і павінны быць у Беларусі», — расказвае Руслан Юсупаў.

Руслану Юсупаву 28 гадоў, усё жыццё ён пражыў у Мінску, усё свядомае жыццё размаўляе па-беларуску, хаця беларуская мова для яго не родная. Маці Руслана з Украіны, бацька — напалову татарын, напалову ўзбек.

Павялічыць

«Мама ў мяне падпалкоўнік МНС, у таты свой бізнэс. Я нарадзіўся ў Мінску. Чаму пачаў гаварыць па-беларуску? Відаць, трэба падзякаваць за гэта настаўніцы беларускай мовы ў школе. Я вучыўся ў прыватнай гімназіі, там у настаўнікаў не было абыякавага стаўлення да беларускай мовы. У школе захапіўся гісторыяй Беларусі».

Руслан са школьных гадоў, акрамя беларускай, вельмі добра размаўляе на англійскай мове.

«Я марыў быць перакладчыкам, паступіў у лінгвістычны ўніверсітэт. Думаў, там навучаць мяне перакладаць. Але калі заняткі замежнымі мовамі пачаліся ледзьве не з вывучэння алфавіту, то я вырашыў час на гэта не марнаваць. За пропускі заняткаў мяне паспяхова адлічылі», — прызнаецца Руслан.

Павялічыць

Павялічыць

Цяпер Руслан Юсупаў нідзе афіцыйна не працаўладкаваны. Займаецца перакладамі, вярстае кнігі. У вольны ж час робіць макеты транспарту, які ездзіць па сталічных вуліцах.

«Я пакуль магу пахваліцца тым, што сваімі рукамі зрабіў мазаўскі аўтобус і камунмашаўскі тралейбус. Усё маляваў па чарцяжах, па завадскіх фота. І што мяне самога здзівіла, што ўсе замеры настолькі дакладныя, што мадэль у маштабе атрымалася вельмі рэалістычнай. Зараз магу зрабіць любыя мінскія трамваі. Ад тых чырвона-жоўтых, рыжскіх, да тых, што цяпер ходзяць па вуліцах сталіцы», — дзеліцца Руслан Юсупаў.

Калекцыянаваннем машынак Руслан займаецца прыкладна гадоў восем. Пачалося захапленне з банальных часопісаў, якія тады прадаваліся ва ўсіх кіёсках.

Павялічыць

Першай машынкай стаў чырвоненькі Фальксваген Жук. Цяпер у калекцыі Руслана каля 500 машынак. Кожнай Руслан прысвоіў нумарны знак.

«Я вяду каталог, куды гэтыя нумары запісваю. У пэўны момант мне стала не проста цікава збіраць машынкі, а рабіць іх па-сапраўднымі беларускімі. Неяк зацікавіўся міліцэйскімі машынкамі. У продажы ёсць толькі адна мадэль міліцэйскай машыны, а іх жа насамрэч вельмі шмат. У машын кожнага падраздзялення свая афарбоўка. У маёй калекцыі ёсць нават знакаміты міліцэйскі трактар. Я вывучаў тэхнічныя стандарты, ведаю, напрыклад, што машыны, якія патрулююць аўтамагістралі, павінны быць з чырвонымі палоскамі ззаду», — расказвае Руслан Юсупаў.

Павялічыць

Павялічыць

Павялічыць

Акрамя збірання калекцыі машын, Руслан стварае на фотапаперы дарожныя знакі.

«Я падумаў, і вельмі хачу, каб у нас укаранілася такія знакі, якія б заахвочвалі кіроўцаў да правільных паводзінаў. Зараз у нас такіх знакаў проста няма», — сцвярджае Руслан.

Павялічыць

Павялічыць

Руслан Юсупаў сам кіроўца. Хлопец расказвае, што вельмі любіць падарожнічаць на сваёй машыне. Плануе маршрут прыкладна на 3000 кіламетраў. Так з'ездзіў у Чэхію, Польшчу.

«Мадэль «Мэрсэдэса», машыны, якой я кіраваў пару год таму, стала самай дарагой у калекцыі. А пасля, шчыра кажучы, нават перастаў лічыць, колькі грошай я трачу на калекцыю. Дорага мне абышоўся аўтобус-гармонік, які я замаўляў праз расійскую інтэрнэт-краму. Дзіўна, але праз Расію ці Германію мадэль замовіць танней, чым купіць у беларускіх калекцыянераў», — расказвае Руслан Юсупаў.

Павялічыць

Павялічыць

Руслан прызнаецца, што ён не аматар форумаў калекцыянераў.

«Большасць з тых людзей, хто збірае мадэлькі машынак, робіць гэта з-за настальгіі аб саўку. І размовы на такіх форумах адпаведныя. Мне сумна ад гэтага. І вельмі шмат калекцыянераў, якія думаюць, што астатнія павінны іх паважаць толькі за тое, што дарослыя мужыкі назбіралі 1500 цацак», — разважае Руслан Юсупаў.

Руслан прызнаецца, што часам стамляецца ад калекцыі. Робіць перапынак, нават не зазірае ў залу.

Павялічыць

«А пасля, калі адпачну, бяру ў рукі зубную шчотку і вычышчаю кожны аўтамабільчык, які пакрываецца пылам. Апошнюю машынку, дарэчы, мне з Іспаніі прывезла паэтка Анхела Эспіноса. Гэта аўтамабільчык Мэрк’юры 1951 года», — расказвае Руслан.

З Арамаісам, з якім Руслан трапіў у «гарбатную» гісторыю, ён пазнаёміўся год таму на Дні Волі. Руслан са сваім сябрам збіраўся ехаць у Гародню на машыне і шукаў спадарожнікаў, каб танней было скідвацца на бензін. Адгукнуўся Арамаіс.

Павялічыць

Павялічыць

Павялічыць

«З тых часоў пачалі часта бачыцца, сябраваць. Вось і гарбату замовілі. Не хацеў я пра гэта расказваць, Маіс падбухторваў, я і пагадзіўся, каб ён расказаў ад свайго імя. Мяне вельмі здзівіла, што гэта гісторыя атрымала такі рэзананс. Мне здаецца, што ў кожнага, хто размаўляе па-беларуску, здараліся такія гісторыі, калі іх не разумелі. Гарбата — гэта яшчэ кветачкі, сапраўды выбух галаўнога мозгу быў у прадавачкі, калі я купляў у кіёску «Белсаюздруку» асадку, стрыжань, капэрту і льготны квіточак. Адзінае, што ахову не выклікалі», — расказвае Руслан.

«Я карыстаюся беларускай мовай пастаянна. Бывае, што даводзіцца тлумачыць людзям нешта, калі яны мяне не разумеюць. Здаралася, што агрэсіўна да гэтага ставіліся, не без гэтага, але я ўпэўнены, што ў Беларусі можна цалкам абыходзіцца без выкарыстання рускай мовы», — падсумоўвае Руслан Юсупаў.

Павялічыць

Хочаш падзяліцца важнай інфармацыяй
ананімна і канфідэнцыйна?

Наталля Тур, фота Надзеі Бужан

3
Oleg Parphenov / адказаць
26.02.2020 / 11:06
Молодец, парень! Меня вот тоже привезли из России в пятилетнем возрасте в Беларусь. Хотя никто вокруг на белорусском языке не говорил, но к концу школы я свободно на нем говорил, читал книги, даже вел передачи на ТВ. Сейчас легко могу поддержать разговор. Могу думать на белорусском. Пока местные жители плачутся, что им не дают говорить на родном языке, мы — русские, татары, армяне —легко осваиваем этот прекрасный, мелодичный славянский язык, язык кривичей и полян.
2
Oleg Parphenov / адказаць
26.02.2020 / 11:25
Малайчына, хлопец! Мяне вось таксама прывезлі з Расіі ў пяцігадовым узросце ў Беларусь. Хоць ніхто вакол на беларускай мове не размаўляў, але праз школу, праз цеатры, радыё, вершы i кнiгi на беларускай, пад канец навучання ў школе я свабодна ёй валодаў, чытаў кнігі, нават вёў перадачы на ​​ТБ на беларускай. Цяпер лёгка магу падтрымаць размову. Магу думаць на беларускай. Пакуль мясцовыя жыхары плачуцца, што ім не даюць гаварыць на роднай мове, мы - рускія, татары, армяне - лёгка асвойваем гэтаю выдатную мелагучную славянскую мову, мову крывічоў і палян.
2
Андрюха Горец (Беларусь Витебск ) / адказаць
26.02.2020 / 15:25
Любое Увлечение - это всегда  Полезно и Замечательно !   По этому я без колебаний  - Благословляю его на это дело !  А то  что он  УВАЖАЕТ нашу Беларусскую Мову - заставляет меня уважать ещё больше !!!!     Брат - дай Боже теье и всем твоим близким - крепкого здоровья !!!   И Спасибо тебе - за Уважение  нашей Беларусской Культуры !  Жму - руку !.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
сакавік красавік май
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30