«Біў рукамі і нагамі па галаве і целе»: 21-гадовы хлопец да смерці збіў аднагадовага сына сужыцелькі, бо той плакаў
Цела хлопчыка знайшлі ў верасні ў адной з вёсак Мядзельскага раёна. Следча-аператыўная група, што прыбыла на месца здарэння, канстатавала крымінальны характар яго смерці, паведамляе СК.
У дзень здарэння, пакуль маці была ў бальніцы, хлопчык знаходзіўся з яе сужыцелем. Той у стане алкагольнага ап'янення збіў хлопчыка, бо ён плакаў. Біў рукамі і нагамі ў галаву і па розных частках цела. Калі ўбачыў дзіця без прыкмет жыцця, вырашыў схаваць злачынства і цельца ў торбе перавёз у пустую хату.
Праз некалькі дзён маці хлопчыка вярнулася з бальніцы і спытала, дзе знаходзіцца дзіця. Першапачаткова мужчына растлумачыў, што хлопчык знаходзіцца ў знаёмых, але потым ва ўсім прызнаўся.
Мужчыну прад'яўлена абвінавачанне па ч. 2 арт. 139 Крымінальнага кодэкса (забойства заведама малалетняга, які знаходзіцца ў бездапаможным стане, здзейсненае з асаблівай жорсткасцю). Ён пад вартай.