Сіноптыкі распавялі, ці вернецца зіма ў апошнія дні лютага
Фота Надзеі Бужан
Сапраўднай зімы не было і пакуль не чакаецца, паведамілі Tut.by у Белгідрамеце.
25 лютага, у аўторак, раніцай і днём на большай частцы тэрыторыі краіны — мокры снег і дождж. Ноччу -5…+1°С, днём +2…8°С.
У сераду днём у заходняй палове краіны надвор'е палепшыцца. Чакаюцца працяглыя праясненні і адсутнасць ападкаў. Вецер парывісты. Ноччу -1…+4°С, максімальная днём + 3…+9°С.
27 лютага — кароткачасовыя ападкі. Ноччу -2…+4°С, днём +1…8°С.
У пятніцу, 28 лютага, месцамі па краіне будуць назірацца кароткачасовыя ападкі — у асноўным, мокры снег. Ноччу і раніцай на асобных участках дарог галалёдзіца. Ноччу 0…-7°С, днём -1…+6°С.
На выходных захаваецца няўстойлівы характар надвор'я. У суботу ападкаў будзе трохі, а ў нядзелю зноў у многіх раёнах пройдуць ападкі. І зноў павышаны тэмпературны рэжым.