У Мінску паставілі помнік аднаму з заснавальнікаў Dana Holdings
На вуліцы Стэфаніі Станюты ў Мінску з'явіўся помнік сербскаму бізнэсмену Срэцену Карычу — аднаму з заснавальнікаў бізнэс-імперыі BK Group, у склад якой уваходзіць кампанія Dana Holdings, што забудоўвае Мінск высакашчыльным жыллём. Манумент усталяваны ў закрытым катэджным пасёлку на беразе Цнянскага вадасховішча, дзе жывуць топ-менеджары дэвелаперскай кампаніі і іх сваякі. Пра з'яўленне помніка паведаміў сваім падпісчыкам у Facebook Багалюб Карыч — адзін з уладальнікаў Dana Holdings. На відэа звярнуў увагу Onliner.
Помнік паставілі на ахоўнай тэрыторыі пасёлка.
На помніку высечаны гады жыцця бізнэсмена і герб радавой сям'і Карыч.
Браты Карычы сярод найбуйнейшых у Беларусі дэвелапераў. Іх кампанія Dana Holdings займаецца забудовай многіх раёнаў Мінска.