Зяленскі прыгразіў пасяліць эвакуяваных з Кітая ва ўкраінскіх Драздах
ukrnews.ua
Прэзідэнт Украіны Уладзімір Зяленскі жорстка адрэагаваў на шэраг пратэстаў, якія адбываюцца ў рэгіёнах, куды мяркуецца прывязуць эвакуяваных з Кітая, піша kp.ua.
— Я хачу звярнуцца да некаторых палітычных партый, якія звяртаюцца да мясцовых жыхароў і падбухторваюць іх перакрываць дарогі. Мы павінны разумець: мы забіраем сваіх грамадзян, якія такія ж грамадзяне Украіны, як і мы. А наконт гэтых палітычных «таварышаў»: калі будзеце перакрываць дарогі і падбухторваць людзей, я асабіста прывязу нашых грамадзян у Кончу-Заспу ў іх асабнякі.
Конча-Заспа — гістарычны раён на паўднёвым усходзе Кіева. Да яго адносяць пасёлкі Чапаеўка, Плюта, Козін. Там маюць асабнякі Юлія Цімашэнка, яе дачка Яўгенія, экс-прэзідэнты Леанід Кучма, Пятро Парашэнка, бізнэсмэн Рынат Ахметаў, Анатоль Грыцэнка, Алег Ляшко, былы кіраўнік Офіса прэзідэнта Андрэй Богдан.
