БДУ з 1 сакавіка павышае плату за навучанне на 400—500 рублёў

Беларускі дзяржаўны ўніверсітэт плануе павысіць цэны на адукацыю з 1 сакавіка прыблізна на 12%. У прэс-службе БДУ Радыё Свабода растлумачылі, што робяць гэта «дзеля прывядзення іх у адпаведнасць з рэальнымі выдаткамі».

Паводле прэс-службы БДУ, тым, хто ўжо заплаціў за навучанне, зробяць пераразлік за чатыры месяцы, якія застануцца да канца навучальнага года.

«Як толькі іх палічаць і пацвердзяць, гэтыя цэны будуць афіцыйна разьмешчаныя на сайце ўніверсітэта ў раздзеле «Платныя паслугі», — сказалі ў прэс-службе.

На розных факультэтах і спецыяльнасцях БДУ навучанне падаражэе недзе на 400-500 рублёў у год.

Іншыя ўніверсітэты Беларусі не абвяшчалі пра павышэнне цэн на навучанне.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0