Даслаць навіну
Знайсці
18.02.2020 / 14:45 2

Топ-10 падзей да Дня роднай мовы ад культурнага менеджара Паўла Белавуса

На сайце 22.02 / Мова Фэст / ОК16 сабралі ўсе магчымыя афішы мерапрыемстваў, якія на гэтым тыдні пройдуць да Дня роднай мовы — абірайце на свой густ! А вось топ-10 ад Паўла Белавуса:

1. У Мінскім планетарыі 20-23 лютага адбудуцца прэм'ерныя паказы паўнакупальнага фільма «Далёка ад Сонца». Фільм застанецца ў афішы планетарыя на працягу двух гадоў і будзе дэманстравацца толькі на беларускай мове.

Павялічыць

2. Спадабалася афіша Дня роднай мовы на факультэце філасофіі і сацыальных навук БДУ.

Павялічыць

3. 21 лютага ў Літаратурным музеі Максіма Багдановіча адбудзецца мерапрыемства «Maksim B-wicz vs Максім Б-віч». Супрацоўнік музея Арцём Тарасевіч прачытае лекцыю, у якой распавядзе пра гісторыю з’яўлення беларускай лацінкі, паралельнае існаванне з кірыліцай, розныя варыянты напісання і іх прынцыповыя адрозненні. Пасля ўсе прысутныя змогуць паўдзельнічаць у майстар-класе, падчас якога засвояць беларускі лацінскі шрыфт.

Павялічыць

4. Традыцыйны Дзень роднай мовы на журфаку БДУ. Таксама крэатыўная афіша.

Павялічыць

5. 21 лютага стэндап па-беларуску. На сцэне StandUp Comedy Hall (Мінск, вул. Куйбышава, 45) выступяць адны з найлепшых і самых цікавых прадстаўнікоў беларускай камедыі, якія будуць жартаваць выключна на беларускай мове.

Павялічыць

6. 21 лютага, у Міжнародны дзень роднай мовы, гурт Inomarki зладзіць у мінскім TNT Rock Club незвычайны трыб'ют-канцэрт, прысвечаны легендарным беларускім рок-гуртам. Гурт рыхтуем не толькі самыя любімыя, але і часам незаслужана забытыя песні.

7. Тыдзень роднай мовы ў Ліцэі БДУ ў фармаце штогадовага фэсту, які скончыцца 21 лютага вялікім канцэртам «BelaRytm», у праграме: Андрусь Такінданг, Раман Арлоў, Кацярына Ваданосава, Atesta ды іншыя музыкі.

Павялічыць

8. Задзіночанне беларускіх студэнтаў шчыра запрашае студэнтаў і студэнтак 21 лютага ў вельмі цёплым атачэнні адсвяткаваць Дзень роднай мовы.

Павялічыць

9. Дзень роднай мовы ў Гродне з традыцыйнай беларускай дыктоўкай і культурнай праграмай.

Павялічыць

10. Абласное свята роднай мовы ў Брэсце «Жывыя вытокі».

А яшчэ тыдні роднай мовы ў Акадэміі навук Беларусі, у Чырвоным касцёле, у Цэнтры беларускай мовы ў Гомелі і асобныя мерапрыемствы ў Вялікім тэатры Беларусі, ЕГУ і розных навучальных установах краіны.

Хочаш падзяліцца важнай інфармацыяй
ананімна і канфідэнцыйна?

NN.by

1
Скураныя крылы / адказаць
18.02.2020 / 16:34
21 лютага каментары ў "НН" па-беларуску, на трасянцы, па-руску ( смачна аздобленай беларускімі словамі).

1
Кажыма праўду / адказаць
18.02.2020 / 16:38
Быць Беларусам –
Гэта значыць,
Свайго ні гуку не забыць,
Усё чужое перайначыць,
Каб Беларусі вечнай быць!
...
Быць Беларусам –
Гэта значыць,
За родны край згараць на дым,
Па-беларуску чуць і бачыць
На гэтым свеце і на тым.

Рыгор Барадулін «Быць»
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
сакавік красавік май
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30