Памёр экс-галкіпер «МЮ» Гары Грэг. Ён ацалеў у авіякатастрофе 1958 года і выратаваў некалькі чалавек
Памёр былы галкіпер «Манчэстэр Юнайтэд» і зборнай Паўночнай Ірландыі Гары Грэг. Пра гэта паведамляе «Бі-Бі-Сі».
Выданне не ўдакладняе прычыну смерці спартсмена. Яму было 87 гадоў.
Грэг выступаў за манкуніянцаў з 1957 па 1966 год. Галкіпер быў адным з ацалелых у Мюнхенскай авіякатастрофе 1958 года, у якой загінулі 23 чалавекі, у тым ліку многія гульцы «Манчэстэр Юнайтэд». Грэга пасля назвалі героем: ён выцягнуў некалькіх людзей з палаючага самалёта. На поле ён вярнуўся праз два тыдні пасля трагедыі.
У складзе зборнай Паўночнай Ірландыі Грэг правёў 25 матчаў. У 1958-м ён дапамог ёй дайсці да чвэрцьфіналу чэмпіянату свету і стаў найлепшым варатаром турніру.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Лукашэнка звольніў Косінца з пасады свайго памочніка
 1
Каб скарыстацца календаром, калі ласка, актывуйце JavaScript у наладах свайго браўзера