Кіраўнікі Азербайджана і Арменіі ўпершыню падыскутавалі пра Карабах
Прэзідэнт Азербайджана Ільхам Аліеў і прэм'ер-міністр Арменіі Нікол Пашынян упершыню ўзялі ўдзел у адкрытых панэльных абмеркаваннях канфлікту ў Нагорным Карабаху. Бакі падыскутавалі пра сітуацыю ў рэгіёне на Мюнхенскай канферэнцыі па бяспецы, паведамляе lenta.ru
У ходзе дэбатаў «Новыя тэндэнцыі ў нагорна-карабахскім канфлікце» Аліеў заявіў, што яшчэ ў 1921 годзе бальшавіцкае прадстаўніцтва ў рэгіёне прыняло рашэнне «захаваць Карабах у складзе Азербайджана». Менавіта таму, лічыць Аліеў, пазіцыя армянскага боку аб тым, што Карабах быў перададзены Азербайджану, не адпавядае рэчаіснасці.
У той жа час Пашынян адзначыў, што «міжнародная супольнасць стомлена» ад паўтараемых гадамі довадаў бакоў. «Немагчыма рашыць 30-гадовы канфлікт за 1-2 крокі», — сказаў прэм'ер, прапанаваўшы здзяйсняць «міні-рэвалюцыі» і паэтапна адыходзіць ад ранейшых жорсткіх пазіцый.
На думку Пашыняна, рашэнне канфлікту павінны рабіць усе тры бакі: Арменія, Нагорны Карабах і Азербайджан. Пры гэтым ён лічыць, што для «лепшага разумення» пазіцый бакоў трэба выкарыстоўваць сацсеткі, якія дапамагаюць бачыць канфлікт у рэгіянальным і глабальным кантэксце.
Аліеў выказаўся за паэтапнае рашэнне, пры гэтым падкрэсліўшы, што Баку пойдзе на саступкі пры ўмове, калі Ерэван спыніць фінансаваць Нагорны Карабах і выведзе адтуль свае войскі. Пашынян адказаў, што ў рэгіёне няма армянскіх войскаў, а толькі мясцовыя сілы самаабароны і добраахвотнікі з Арменіі.
