Даслаць навіну
Знайсці
14.02.2020 / 19:28 14

У Пінску ў маленькай дзяўчынкі знайшлі ВІЧ. Ні ў каго з членаў сям'і ён не знойдзены

Святлана з Пінска нарадзіла дачку ў лютым мінулага года. Па словах жанчыны, падчас родаў малой зламалі ключыцу. З радзільні дзіця перавялі ў дзіцячую бальніцу: Святлану разам з малечай не паклалі праз тое, што яна жыве ў горадзе і можа наведваць яе ўвесь час. Жанчына хадзіла да дачкі праз дзень: акрамя нованароджанай, у яе ёсць і іншыя дзеці, піша «Брестская газета».

Павялічыць

«Грудзьмі я яе не карміла, таму што па стане здароўя мне забаранілі», — распавядае жанчына.

Праз некалькі тыдняў малую выпісалі дадому. А ў жніўні мінулага года дзяўчынку зноў паклалі ў шпіталь — на гэты раз з сыпам. Да выпіскі аналізы былі добрыя, гемаглабін у норме.

«А ў кастрычніку мы трапілі ў бальніцу. У яе гемаглабін упаў, а ХАЭ паднялася. Вось з гэтага моманту мы ўсе лечымся і лечымся. Потым нас адправілі на Брэст да гематолага. Аналізы паказалі тое самае — гемаглабін нізкі, ХАЭ высокая. Мы вазілі яе на ўколы, праз дзень ёй калолі ўколы, каб падняць гемаглабін. Гемаглабін не паднялі. Потым мы былі дома. Здарыўся прыступ — курчы, вочы закочваліся. Хуткая забрала нас у бальніцу. У Брэсце кардыёлаг даў накіраванне на аналізы платныя і бясплатныя здаць. Здалі платныя. На наступны дзень нам тэлефануе інфекцыяніст і кажа, каб мы пад'ехалі з дзіцём», — распавядае Святлана.

Вось тады бацькі і даведаліся, што ў іх дзіцяці — ВІЧ. Натуральна, усю сям'ю, у тым ліку і астатніх дзяцей, адправілі на аналізы.

«Усе здалі. Ва ўсіх вынікі адмоўныя. Потым у яе ўзялі паўторна аналіз, адправілі на Брэст, адправілі на Мінск. З Брэста вынікі прыйшлі хутчэй, а пра вынік з Мінска нам сказалі, ужо калі нас паклалі ў шпіталь. Усе чатыры аналізы ў дачкі аказаліся станоўчымі», — кажа жанчына.

Яна схіляецца да версіі, што дзяўчынку маглі заразіць або ў радзільні, або ў бальніцы. Другі варыянт здаецца ёй больш верагодным, таму што там малая ляжала без мамы.

Паводле інфармацыі блогера Сяргея Пятрухіна, да якога Святлана звярнулася з просьбай асвятліць гэтую сітуацыю першаму, гэта не адзінкавы выпадак выяўлення ВІЧ у дзяцей у дзіцячай бальніцы ў Пінску. Больш за тое, спасылаючыся на свае крыніцы, Пятрухін сцвярджае, што ведамствы, якія праводзілі праверку, схіляюцца да версіі, што гэтым спецыяльна займаецца нехта, звязаны з бальніцай.

Мяркуючы па словах галоўнага лекара медустановы Мікалая Целяціцкага, да якога «Брестская газета» звярнулася па каментар, крымінальная версія не выключаецца.

«Наконт дыягназу дзіцяці — не магу нічога пацвярджаць, гэта ўрачэбная таямніца. Калі бацькі лічаць патрэбным агучыць гэта — яны агучылі. Але я не маю такога права. Праводзіцца ўнутраная службовая праверка на ўзроўні горада, вобласці, Следчага камітэта. Разглядаюцца розныя медустановы, не толькі наша бальніца», — сказаў галоўны доктар.

На пытанне аб тым, ці праўда, што ў Пінску з пачатку года гэта ўжо не першы выпадак выяўлення ВІЧ у дзяцей, Мікалай Іванавіч адказаў, што нічога не можа на гэты конт сказаць — дзеці з ВІЧ ёсць і ў Пінску, і ў Брэсце і гэтак далей.

Што тычыцца выпадку з дачкой Святланы, паводле яго слоў, нельга выключаць сацыяльна-бытавыя моманты і нават крымінальны характар.

Цяпер дзяўчынка з татам ляжыць у шпіталі.

Хочаш падзяліцца важнай інфармацыяй
ананімна і канфідэнцыйна?

2
хамса / адказаць
14.02.2020 / 23:00
*Наша Медзицына - самая перэдавая у ва усём Мирэ !*
угу.. а галоўнае - самая “ПРАЎДЗІВАЯ”
уразілі словы функцыянера ад медыцыны: «Наконт дыягназу дзіцяці — не магу нічога пацвярджаць, гэта ўрачэбная таямніца.»
у яго што - таксама мазаіка ці што ў галаве разам з адсутнасцю сумлення? урачэбная таямніца - гэта, калі раскрываецца імя і прозвішча канкрэтнага пацыента і агалошваецца ягоны дыягназ.. ці я нешта не так разумею? бо пад такой фармулёўкай, як у яго: ‘гэта ўрачэбная таямніца’, шмат каго можна пахаваць пад зямлёй (ведаеце ж знакаміты анекдот, дзе хаваюць свае хібы архітэктары, а дзе ўрачы.. зараз ён не смешны зусім(
на фоне такіх “нашых” функцыянераў ад медыцыны нават медыкі з Кітая, дзе зараз лютуе каронавірус, баюся, што будуць выглядаць анёлкамі.. бо дзе ўпэўненасць, што “нашыя” раскажуць пра сапраўднае становішча? - яны ўжо з раскрыццём паследстваў самай жудаснай катастрофы ў атамнай энергетыцы значна адзначыліся.. інфармацыя па чым - гэта тая шчэ “урачэбная таямніца”
вось і кажу, што такія “урачы” ад слова “ураць”
1
Вясковы Лірнік / адказаць
14.02.2020 / 23:02
Як тут не завыць?
0
серг / адказаць
15.02.2020 / 21:30
Както удалили мне вросший ноготь на большом пальце ноги, так новый вырос уже с грибком , вот вам и стерилизация инструментов , и не в деревне а в областном городе.

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
сакавік красавік май
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30