Даслаць навіну
Знайсці
12.02.2020 / 11:02 31

Адэпт СССР уступіў у канфлікт з беларускімі памежнікамі

Сёння ў 86-й пагранічнай групе мае адбыцца разбіральніцтва з жыхаром Стаўбцоўскага раёна, які пры перасячэнні мяжы 3 лютага ў пункце пропуску «Пясчатка» зладзіў перад пагранічнікамі перформанс. 

Павялічыць выяву

Фота Пагранічнага камітэта

Справа ў тым, што гэты грамадзянін — адэпт моднага ў вузкіх колах культу СССР, ён і яго аднадумцы называюць сябе «чалавекамі».

Асноўная ідэя «чалавекаў» у тым, што ніякага распаду СССР не было: маўляў, адпаведных дакументаў няма. А значыць, «на акупаванай тэрыторыі БССР узнікла юрыдычная фірма РБ, якой кіруе гаўляйтар Лукашэнка». Апроч гэтага, «ніякіх грамадзян Рэспублікі Беларусь няма, бо савецкае грамадзянства ніхто не скасоўваў, таму цяперашнія пашпарты — гэта аўсвайсы для перасоўвання на часова акупаванай тэрыторыі».

Чытайце таксама: Адэпты СССР тэрарызуюць чыноўнікаў: давялі дэпутата да істэрыкі, на ўпаўнаважанага па справах рэлігій выклікалі АМАП. Хто яны? ВІДЭА

Што адбывалася на пераходзе, «Нашай Ніве» расказаў афіцыйны прадстаўнік Пагранічнага камітэту Антон Бычкоўскі. 

«Гэты грамадзянін у пункце пропуску паказаў пашпарт, выдадзены ў 2002 годзе. Натуральна, што аблічча чалавека за 18 год істотна змянілася. У такіх выпадках пагранічнікі задаюць дадатковыя пытанні, напрыклад, у яго папрасілі распісацца на паперцы, каб параўнаць почырк. Ён адмовіўся і пачаў патрабаваць старэйшага змены, заявіў, што пашпарт увогуле не ягоны: маўляў, гэта маёмасць Рэспублікі Беларусь. Уключыў відэазапіс, хаця пункт пропуску — рэжымны аб'ект, на ім здымаць забаронена.

Павялічыць выяву

Так выглядаюць самаробныя «дакументы» «чалавекаў» 

Старшы змены прапанаваў яму паказаць нейкія іншыя дакументы, які мае з сабой, а таксама запатрабаваў выключыць відэа. Той адмовіўся, называў сябе «проста чалавекам», а не фізічнай асобай, пачаў патрабаваць падпісаныя арыгіналы нарматыўна-прававых актаў. Урэшце, вярнуўся ў сваю машыну, стварыўшы нязручнасці тым, хто стаяў у той паласе.

Для правядзення працэсуальных дзеянняў яго завялі ў службовае памяшканне з ужываннем сілы, агулам разбіральніцтвы з ім занялі амаль 9 гадзін.

«Адпусцілі яго пад абавязацельствы аб яўцы на адміністратыўны працэс па арт. 23.32 (парушэнне рэжыму ў пункце пропуску) і 23.4 (непадпарадкаванне законнаму распараджэнню) КаАП, санкцыя па кожным артыкуле — штраф да 50 базавых велічынь, сёння адбудзецца працэс», — сказаў Бычкоўскі.

АЯ

8
Вікент / адказаць
13.02.2020 / 18:42
Андрюха Горец (Беларусь Витебск ),
Дык калі вы адправіце ўсіх адэптаў СССР у СССР, то відавочна СССР павінен існаваць. 


Змагары ніколі ў логіку не маглі.  
12
Человек СССР / адказаць
13.02.2020 / 20:04
СССР существует, согласно референдума от 17.03.1991г. На котором 78% граждан СССР проголосовали за сохранение СССР. Всё что в дальнейшем произошло - это просто захват власти. Три чудака и по моему мнению пьяницы, не имели права решать судьбу страны в Беловежской пуще под гитарочку. А на границе человек себя гражданином СССР не индефицировал, он объявил себя Человеком. А человеку не нужны документы и для Человека нет границ. Он дитя божье и никому не подчиняется. А если вы физ.лица и рабы системы, то это лично ваше дело. Никто никого не волит. Он заявил себя человеком и это ЗАКОН.
7
Человек СССР / адказаць
14.02.2020 / 16:04
LitvinM, А интересно, вы живёте в квартире построенной в совке? Так как истинный патриот, возьми и брось ненавистную совковую квартиру. Вот и будешь тогда честным патриотом.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29