Даслаць навіну
Знайсці
11.02.2020 / 16:48

Збіццё дырэктара кафэ ў Гомелі: замяшаныя высокапастаўленыя супрацоўнікі КДБ

Павялічыць

«Наша Ніва» даведалася пра падрабязнасці п'янай бойкі ў кавярні «The Box 99» на Савецкай у Гомелі. У нападзе на дырэктара кафэ падазраюць супрацоўнікаў Камітэта дзяржаўнай бяспекі.

Падзеі адбыліся ў даволі ранні час, каля 18-й гадзіны. Нейкія мужчыны падселі за стол да дзяўчат-падлеткаў і сталі да іх заляцацца. Тыя не адказалі ўзаемнасцю. І калі дзяўчаты сабраліся сыходзіць, мужчыны пачалі зрываць з іх курткі. У гэты момант у зале знаходзіўся дырэктар кавярні, які ўмяшаўся ў канфлікт.

Мужчыны паклікалі яго «пагаварыць» на вуліцу. Адзін з іх, невысокі, збіў дырэктара — біў акцэнтавана, па галаве, укладваючыся ва ўдары, пакуль той не страціў прытомнасць. Пасля гэтага агрэсіўныя кліенты рэціраваліся, аднак на наступны дзень самі прыйшлі ў міліцыю.

Павялічыць

Следчы камітэт паведаміў, што падазраваны ў збіцці затрыманы. 

Пазней стала вядома, што фігурантамі крымінальнай справы сталі супрацоўнікі КДБ. 

Пра аднаго з іх паведаміў блогер NEXTA, ён называе былога прэс-сакратара КДБ Дзмітрыя Пабяржына. Цяпер ён працуе начальнікам аналітычна-інфармацыйнага ўпраўлення КДБ.

Павялічыць

Другі чалавек, па інфармацыі «Нашай Нівы», — гэта таксама супрацоўнік КДБ. Ён начальнік аддзела ўпраўлення абароны канстытуцыйнага ладу мінскага ўпраўлення КДБ.

«Наша Ніва» звярнулася па каментар да самога Пабяржына.

«Тое, што пішуць у інтэрнэце, што я падазраваны, гэта няпраўда. Я не падазраваны, я гэтага злачынства не здзяйсняў», — сказаў ён. 

Пабяржын адмовіўся ад далейшых каментароў і не стаў праясняць сваю ролю ў гэтай гісторыі. Ён таксама не пацвердзіў, ці праўда, што падазраваны яго калега па ведамстве. 

Арцём Гарбацэвіч

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
снежань студзень люты
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31